नितीन शंकर गिलबिले (वय ३७, रा. वडमुखवाडी) असे खून झालेल्या व्यवसायिकाचे नाव आहे. या प्रकरणी अमित जीवन पठारे (वय ३५, रा. पठारेमळा, चऱ्होली), विक्रांत सुरेश ठाकूर (रा. सोळू, ता. खेड) आणि सुमीत फुलचंद पटेल (वय ३१, रा. गायकवाडनगर, दिघी) या तिघांना अटक केली आहे.

काय आहे प्रकरण?

पोलिसांनी दिलेल्या माहितीनुसार, बुधवारी, १२ नोव्हेंबर रोजी सायंकाळी अलंकापुरम रस्त्यावर गिलबिले आणि त्यांच्या ओळखीतील काही जण थांबलेले असताना अमित पठारे आणि विक्रांत ठाकूर हे फॉर्च्युनर कारमधून तेथे आले. त्यांनी नितीन गिलबिले यांना कारमध्ये बसवून त्यांच्या डोक्यात जवळून गोळी झाडली. गिलबिले यांचा जागीच मृत्यू झाला. आरोपी त्यानंतर पसार झाले.
Nashik Crime : लग्नाला सहा महिने, पतीचे अनैतिक संबंध, प्रेयसीसोबतचे घाणेरडे फोटो दाखवतो; नाशकात विवाहितेने आयुष्य संपवलं
दरम्यान, आरोपी ताम्हिणी घाट परिसरात असल्याची माहिती पोलिसांना मिळाली. पोलिसांनी या भागात शोधमोहीम राबवताना विनाक्रमांकाची एक मोटार संशयित अवस्थेत दिसली. पोलिसांनी पाठलाग करून मोटार ताब्यात घेतली आणि विक्रांत ठाकूर व सुमीत पटेल यांना पकडले. त्यांच्याकडून गुन्ह्यात वापरलेली मोटार व मोबाइल जप्त करण्यात आले. मुख्य आरोपी अमित पठारे याला दिघी पोलिसांनी वाघोली येथून अटक केली. सुमीत पटेल हा गोळीबाराच्या आधी व नंतरही आरोपींसोबत फिरत होता, त्यामुळे त्याचाही गुन्ह्यात समावेश करण्यात आला आहे.
Pune Crime : भाऊ मानल्याचं नाटक, पुणेकर महिलेचे कोल्हापूरच्या 47 वर्षीय ‘दादा’वर शारीरिक अत्याचार, शेवटी तर…
खुनाचे नेमके कारण अद्याप स्पष्ट करण्यात आले नाही. मात्र, तपासादरम्यान तापकीर यांचे नाव आरोपींकडून समोर येत असल्याने तपासाची दिशा बदलली आहे. गुन्ह्यातील अचूक कारण, संबंध, आर्थिक किंवा वैयक्तिक वाद; तसेच तापकीर यांचा प्रत्यक्ष, अप्रत्यक्ष हस्तक्षेप याबाबत पोलिसांकडून सखोल तपासणी सुरू आहे. तापकीर यांचा शोध सुरू करण्यात आला असून, दिघी पोलिसांनी त्यांच्यासाठी स्वतंत्र पथक तयार केल्याचे सांगण्यात येत आहे.