नेमकं काय आहे प्रकरण?

पोलिसांनी दिलेल्या माहितीनुसार, गेल्या वर्षी नोव्हेंबर महिन्यात तक्रारदार गृहस्थ आपल्या कुटुंबासह तुळजापूर येथे देवीच्या दर्शनासाठी गेले होते. त्यावेळी पुण्यातील या महिलेशी त्यांची ओळख झाली होती. त्यानंतर आरोपी महिलेने तक्रारदाराच्या घरी येणे-जाणे सुरू केले आणि त्याला भाऊ मानल्याचा खोटा दिखावा करून आपल्या जाळ्यात खेचण्याचा प्रयत्न केला.

पाण्यात काहीतरी मिसळून पाजले

आरोपी महिलेने तीन मार्च ते २५ नोव्हेंबर २०२५ या काळात तक्रारदाराला पाण्यातून काहीतरी मिसळून पिण्यास दिले आणि त्याच्यावर शारीरिक अत्याचार करण्याचा प्रयत्न केला, असा आरोप आहे. यापुढे तिने तक्रारदाराला काशी विश्वनाथला नेऊन तेथेही शारीरिक संबंध ठेवण्यास भाग पाडण्याचा प्रयत्न केला; तेथे अश्लील फोटो काढले, असे तक्रारीत नमूद आहे.
Hong Kong Fire : गृह संकुलातील आगीत 44 रहिवाशांचा मृत्यू, 280 जण बेपत्ता, अग्नितांडवास कारणीभूत ठरली फक्त ‘ती’ एक चूक

फोटो व्हायरल करण्याची धमकी देत खंडणी

हे फोटो समाज माध्यमांवर व्हायरल करण्याची धमकी देऊन महिलेने त्यांच्याकडे दोन लाख रुपयांची खंडणी मागितल्याचाही आरोप आहे. पुण्यात परत आल्यावर एका सराफी दुकानात नेऊन सोन्याची अंगठी खरेदी करून देण्याची मागणी तिने केली; तसेच दोन लाख रुपये खंडणी दे; अन्यथा फोटो व्हायरल करण्याची धमकी दिली.या प्रकरणी कोथरूड पोलिसांत गुन्हा दाखल करण्यात आला असून, तिचा शोध सुरू असल्याचे पोलिसांकडून सांगण्यात आले.
Nashik Crime : लग्नाला सहा महिने, पतीचे अनैतिक संबंध, प्रेयसीसोबतचे घाणेरडे फोटो दाखवतो; नाशकात विवाहितेने आयुष्य संपवलं

अत्याचारी पित्याला २५ वर्षे सक्तमजुरी

दुसरीकडे, अल्पवयीन अंध मुलीवर पित्याने वेळोवेळी अत्याचार केल्याचा आरोप सिद्ध झाल्याने नाशिकमधील निफाड येथील अतिरिक्त जिल्हा व सत्र न्यायाधीश एस. बी. कोऱ्हाळे यांनी आरोपीस पंचवीस वर्षे सश्रम कारावास व पंचवीस हजार रुपये दंड अशी शिक्षा ठोठावली.