पोलिसांनी दिलेल्या माहितीनुसार, अबुल रेहमान मकसूद आलम खान याचा 24 नोव्हेंबर रोजी वाढदिवस होता. तेव्हा त्याच्या 5 मित्रांनी त्याला केक कापण्याच्या बहाण्याने बोलावले. सुरुवातीला त्याच्याकडून केक कापून घेतला. पण शुभेच्छा देण्याऐवजी, मित्रांनी त्याच्यावर अंडी आणि दगड फेकल्याचा आरोप आहे. काही क्षणातच त्याच्यावर पेट्रोल टाकायला सुरूवात केली.

Mumbai Crime: बापरे! फक्त 90 हजारांसाठी मामा-मामीने पाच वर्षांच्या चिमुकलीला विकलं; मुंबई हादरली

पेट्रोलचा वास येताच अबुल ओरडायला लागला आणि, तुम्ही काय करत आहात असे विचारायला सुरूवात केली.पण बाकीच्या तीन मित्रांनी लगेच लाईटरने त्याला आग लावली आणि अबुल जमिनीवर होरपळून पडला. त्याने बचावाचा प्रयत्न करून सोसायटीच्या दिशेने धाव घेतली. एक नळ शोधून त्याने आग विजवण्याचा प्रयत्न सुरू केला. तेवढ्यात एका मित्राने त्याला हॉस्पिटल मध्ये नेले.

सीसीटीव्ही फुटेजमुळे गुन्हा उघड घटनेचा संपूर्ण प्रकार जवळच्या सीसीटीव्हीत कैद झाला असून, हे फुटेज तपासासाठी महत्त्वाचे पुरावे ठरले आहे. या व्हिडिओमध्ये मारहाणीपासून ते विद्यार्थ्याला पेटवून देण्यापर्यंतचा पूर्ण प्रकार दिसतो. अबूलला गंभीर जखमा झाल्या असून सध्या रुग्णालयात उपचार सुरू आहेत. डॉक्टरांच्या म्हणण्यानुसार त्याच्यावर बारकाईने लक्ष ठेवण्यात येत आहे आणि त्याला पूर्ण बरा होण्यास वेळ लागणार आहे.

पोलिसांनी सध्या अयाज मलिक, अश्राफ मलिक, कासिम चौधरी, हुझैफा खान आणि शरीफ शेख यांना अटक केली असून त्यांना 29 नोव्हेंबरपर्यंत पोलीस कोठडीत ठेवण्याचे आदेश देण्यात आले असून हा हल्ला पूर्वनियोजित होता की वादातून घडलेली घटना होती, याचा तपास सुरू आहे.