ओंकार राजेंद्र थोरात (वय 28) आणि गणेश सुरेश थोरात (वय 25, रा. ओंड, ता. कराड), अशी मृतांची नावे आहेत. अपघातात ऋषिकेश कुबेर थोरात (वय 28, रा. ओंड, ता कराड) आणि रोहन पवार (वय 25, रा.नाशिक) हे जखमी झाले आहेत. ओंकार हा निवृत्त उपनिरीक्षकाचा मुलगा होता.

Satara Accident : साताऱ्यातील फलटणमध्ये काळजाचा थरकाप उडवणारा अपघात, क्षणात होत्याचं नव्हतं, Video व्हायरल

पोलिस आणि सुत्रांकडून मिळालेल्या माहितीनुसार, ओंकार थोरात याच्या मित्राचे बुधवारी लग्न होते. त्याच्या गावदेवसाठी ओंकार, चुलत भाऊ गणेश आणि गावातील मित्र ऋषिकेश, असे तिघेजण टाटा नेक्सन कारने वांगी (ता. कडेगाव) येथे गेले होते. गावदेव कार्यक्रम झाल्यानंतर नाशिकच्या मित्राला घेऊन चौघे परत कराडला येत असताना मध्यरात्री दीडच्या सुमारास ओगलेवाडी (ता. कराड) येथील रेल्वे पुलावर त्यांच्या कारची आणि समोरून येणाऱ्या आयशर टेम्पोची भीषण धडक झाली. या धडकेमध्ये ओंकार आणि गणेश जागीच ठार झाले.

कार आणि टेम्पोची धडक एवढी भीषण होती की अपघातात कारचा चक्काचूर झाला. तसेच आयशर टेम्पोचेही मोठे नुकसान झाले आहे. आयशर चालक दिगंबर सोपान धुळे (रा. लिंबोटी, जि. नांदेड) याने शहर पोलिसांत अपघाताची खबर दिली. दरम्यान अपघाताची माहिती मिळतात ओगलेवाडी आणि कराड शहर पोलिसांनी तातडीने घटनास्थळी धाव घेतली. जखमी तरूणांना रुग्णालयात दाखल करण्यात आले आहे. तसेच मृतदेह शवविच्छेदनासाठी उपजिल्हा रुग्णालयात पाठवले.

अपघातात मृत्युमुखी पडलेले ओंकार आणि गणेश हे सख्खे चुलत भाऊ होते. ओंकार याचे वडिल राजेंद्र थोरात हे पोलीस उपनिरीक्षक होते. नुकतेच ते निवृत्त झाले आहेत. ओंकारच्या बहि‍णीचे अवघ्या पाच दिवसांपूर्वीच लग्न झाले होते. यामुळे कुटुंबावर दुखा:चा डोंगर कोसळला आहे.