सांगली : विश्वचषक विजेत्या भारतीय संघातील महिला क्रिकेटपटू Smriti Mandhana आणि संगीतकार पलाश मुच्छल
यांच्या लग्नाच्या दिवशीच स्मृतीचे वडील श्रीनिवास मानधना यांना अचानक छातीत दुखू लागले. त्यांना रुग्णालयात दाखल करावे लागल्यानंतर स्मृती मानधना आणि पलाश यांनी लग्न सोहळा अनिश्चित काळासाठी पुढे ढकलण्याचा निर्णय घेतला. मात्र त्याच वेळी स्मृतीने विवाहपूर्वीच्या मेहंदी-हळद-संगीत सोहळ्यांचे फोटोही सोशल मीडियावरुन डिलिट केल्याने नेटिझन्समध्ये उलटसुलट चर्चांना सुरुवात झाली आहे. अशातच स्मृती-पलाशचा विवाह नेमका कधी होणार, या तारखेच्या घोषणेकडे चाहत्यांचे लक्ष लागून राहिलं आहे.
यांच्या लग्नाच्या दिवशीच स्मृतीचे वडील श्रीनिवास मानधना यांना अचानक छातीत दुखू लागले. त्यांना रुग्णालयात दाखल करावे लागल्यानंतर स्मृती मानधना आणि पलाश यांनी लग्न सोहळा अनिश्चित काळासाठी पुढे ढकलण्याचा निर्णय घेतला. मात्र त्याच वेळी स्मृतीने विवाहपूर्वीच्या मेहंदी-हळद-संगीत सोहळ्यांचे फोटोही सोशल मीडियावरुन डिलिट केल्याने नेटिझन्समध्ये उलटसुलट चर्चांना सुरुवात झाली आहे. अशातच स्मृती-पलाशचा विवाह नेमका कधी होणार, या तारखेच्या घोषणेकडे चाहत्यांचे लक्ष लागून राहिलं आहे.
नेमकं काय घडलंय?
स्मृती मानधनाच्या वडिलांना अचानक छातीत दुखू लागल्याने त्यांना रुग्णालयात दाखल करावे लागले. यानंतर स्मृती आणि पलाशच्या लग्न सोहळ्याला अचानक ब्रेक लागला. २३ नोव्हेंबर रोजी सांगली येथे होणारे लग्न अनिश्चित काळासाठी पुढे ढकलण्याचा निर्णय घेण्यात आला. या गोंधळात खुद्द नवरदेव पलाश मुच्छल याचीही तब्येत तणावामुळे खालावली. त्याला सांगलीतील रुग्णालयात दाखल करावे लागले, सुदैवाने काही तासांच्या उपचारानंतर त्याला डिस्चार्ज देण्यात आला. त्यानंतर पलाश आणि त्याचे कुटुंबीय मुंबईला रवाना झाले.
दरम्यान पलाशच्या आई अमिता मुच्छल यांनी सांगितले की त्यांचा लेक सध्या विश्रांती घेत आहे. त्याची प्रकृती बरी होत आहे. दोन्ही कुटुंबं गेल्या दोन दिवसांच्या धक्क्यातून सावरण्याचा प्रयत्न करत आहेत.
हिंदुस्तान टाइम्सशी बोलताना अमिता मुच्छल यांनी सांगितले की, पलाश हा सासरेबुवा श्रीनिवास मानधना यांच्याशी अत्यंत जवळचा आहे. कदाचित स्मृतीपेक्षाही जास्त. या घट्टा नात्यामुळेच त्या गोंधळाच्या परिस्थितीत पलाश समंजसपणे निर्णय घेऊ शकला. पलाशला अंकलशी खूप जास्त अटॅचमेंट आहे. स्मृतीपेक्षाही जास्त ते दोघं जवळचे आहेत. जेव्हा त्यांची तब्येत बिघडली, तेव्हा स्मृतीच्या आधी पलाशने निर्णय घेतला, की मला तोपर्यंत सात फेरे घ्यायचे नाहीत, जोपर्यंत अंकल ठीक होत नाहीत.”
या क्षणाचं गांभीर्य त्याच्यासाठी इतकं होतं, की तो वारंवार रडत होता. अमिता मुच्छल यांनी वर्णन केलं, की तणावामुळे तो जवळजवळ कोसळला होता. “हळद लागल्यामुळे आम्ही त्याला बाहेर जाऊ देत नव्हतो. रडता रडता अचानक त्याची तब्येत बिघडली. चार तास त्याला हॉस्पिटलमध्ये ठेवावं लागलं. IV ड्रिप लावली, ECG काढला आणखीही काही टेस्ट झाले. सगळं नॉर्मल आलंय, पण स्ट्रेस खूप आहे”
डॉक्टरांनी पलाशला काही तास देखरेखेखाली ठेवले. तो भावनिकदृष्ट्या थकून गेला होता. त्यानंतर त्याला मुंबईला परत आणण्यात आले, जिथे तो कुटुंबासोबत विश्रांती घेत आहे. त्याची बहीण पलकही सांगलीहून मुंबईला आलेय, असं अमिता म्हणाल्या.
Crime News : आई, मी डबा खाताना आमचे सर ना… चिमुरडीची तक्रार, पालकांनी शिक्षकाला अश्लील चाळे करताना रंगेहाथ पकडलं, इतर मुलींनी…
स्मृतीचे वडील श्रीनिवास मानधना रुग्णालयात असून सर्वहित रुग्णालयाचे संचालक डॉ. नमन शाह यांनी दिलेल्या माहितीनुसार त्यांना रविवारी सकाळी ११.३० वाजल्यानंतर हृदयविकाराच्या झटक्याची लक्षणे दिसली आणि तपासणीसाठी त्यांना त्वरीत रुग्णालयात हलवण्यात आले.