“तपास अधिकारी यादव मॅडम आहेत. त्या म्हणाल्या की नाही सर काही नाही. पण आम्ही पाहिलं तर खुणा दिसल्या. आमच्या मिसेस आणि आम्ही पाहिलं तर मार्क दिसल्या. या मार्क कुठून आल्या? याचा कुणी तपास केला आहे का? त्या मार्कवर आमचा संशय आहे. पीएम इन-कॅमेरा केला आहे. मोहिते साहेब त्यावेळी इन्चार्ज होते. त्यांनी त्यावेळेस आम्हाला नेलं. पण आतही त्यांनी एखाद्या पालकाला घ्यायला पाहिजे. त्यांची सही घ्यायला पाहिजे. काय केलं त्यावर वॉच पाहिजे, अशी विनंती आहे”, अशी भूमिका अशोक पालवे यांनी मांडली.

“माझी मुलगी मारली, असा मला संशय आहे. माझी मुलगी एवढी स्ट्राँग होती. तुम्हाला खात्री करायची असेल तर जिथे काम करते तिथल्या तिच्या मैत्रिणींनी सुद्धा जबाब दिला आहे. त्यांना विचारा. तिने आत्महत्या केली नाही, असा आमचा ठाम विचार आहे. आत्महत्या केला तर खुण पाहिजे. आत्महत्या केल्यावर लॉक तोडतात, पोलीस येतात, नातेवाईक येतात, मग पंचनामा होतो. तुम्ही नातेवाईक येण्याआधी पंचनामा केला. एवढी गडबड का केली? हँगिग झालेला माणूस जिवंत राहू शकतो का? असे सवाल असोक पालवे यांनी केले.

“दरवाजा उघडेपर्यंत सुद्धा माणूस राहू शकणार नाही. तुम्ही म्हणता धडधड होती, आत गेलो, 32 व्या माळ्यावर तो माणूस तिथे वाचवायला गेला कसा? दुपारी कोण होतं? दुपारी बहिणीला फोन केला, भावाला फोन केला, ते का नाही सांगितलं? ते आलेले आम्हाला दुसऱ्याने सांगितलं. ते गायब का झाले? तुमचा गुन्हा नाही तर गायब का झाले?”, असादेखील सवाल त्यांनी केला.

“पंकजा ताईंचा दुसऱ्या दिवशी फोन आला. मला सुद्धा अपेक्षा आहे. ताई साहेबांकडे होते म्हणून आम्ही आमची मुलगी दिली. ताईंचे पीए आहेत म्हणून मुलगी दिली. मी जनतेला विनंती करतो, पर्सनल लाईफ स्वत: बघितल्याशिवाय किंवा चर्चा केल्याशिवाय मुलगी देऊ नये. आम्हाला ते माहीतच नाही. आम्हाला न्याय द्या, अशी विनंती पंकजा मुंडे यांना केली. ताई म्हणाल्या की, निष्पक्षपणे चर्चा होईल. माझा पीए म्हणून मी त्याची बाजू घेणार नाही”, अशी माहिती अशोक पालवे यांनी दिली.

गौरी गर्जेंच्या वडिलांचा गंभीर आरोप

“1 ऑक्टोबरला त्यांनी सामान शिफ्ट केलं. आरोपी पतीने माझ्या मुलीला सांगितलं की, हे महत्त्वाचे कागदपत्रे आहेत. नीट ठेव. माझ्या मुलीने ते कागदपत्रे तपासले. त्यामध्ये एक रिपोर्ट लागला. अंबाजोगाईच्या एक मुलीचा 2021 ला सोनोग्राफी करुन गर्भपात केल्याचा तो रिपोर्ट होता. त्या रिपोर्टवर अनंत गर्जे पती असं नाव आहे”, असा गंभीर आरोप गौरीच्या वडिलांनी केला आहे. “मी पोलिसांना तो रिपोर्ट दिला आहे”, अशी माहिती त्यांनी पत्रकार परिषदेत दिली.
इगतपुरीच्या माजी आमदार निर्मला गावित यांचा भीषण अपघात, नाशिकमधील रुग्णालयात उपचार सुरु
“मी गौरीला म्हटलं की, एवढं होत असेल, तुला टॉर्चर करणार आहेत. मी म्हटलं ये, आपण बैठक बोलवू. तू तिथे राहू नको. ती म्हणाली, मला सोडायचं नाही. मला इथे राहू द्या किंवा मीटिंग टाकू नका. बैठक घेतली तर चर्चा होते. तेव्हा आम्हाला माहिती झाल्यावर आम्ही लक्ष द्यायला लागलो. तिला फोन करायला लागलो”, असं अशोक पालवे यांनी सांगितलं.