वाहतूक कोंडीसाठी तीन नवे उड्डाणपूल

रबळे जंक्शन येथे ₹171 कोटी, क्रिस्टल हाऊस–पावणे दरम्यान ₹110 कोटी आणि महापेतील BASF कंपनीपासून ह्युंडाई शोरूमपर्यंत ₹338 कोटी खर्चाचे तीन नवे उड्डाणपूल उभारले जाणार आहेत. याशिवाय, विद्यमान मार्गाच्या पुनर्बांधणीसाठी ₹227 कोटींचा निधी मंजूर करण्यात आला आहे.Mumbai Metro: मेट्रोच्या नेटवर्कमध्ये आणखी एका मार्गिकेची भर! वडाळा ते गेटवे होणार सहज प्रवास; कसा असेल मेट्रो 11 चा मार्ग?
याचबरोबर, महानगरपालिकेने या उड्डाणपुलांच्या खर्चात सहभाग म्हणून महाराष्ट्र औद्योगिक विकास महामंडळाकडे ₹400 कोटींची मागणी केली आहे. ठाणे–बेलापूर परिसरात MIDC द्वारे वाढत्या औद्योगिक प्रकल्पांमुळे रस्त्यांवरील भार वाढल्याचे कारण त्यांनी नमूद केले आहे.

महत्वाचा एअरपोर्ट लिंक

ठाणे–बेलापूर रस्ता हा नवी मुंबईचा औद्योगिक कणा मानला जातो. तो ऐरोली, रबाळे, घनसोली, कोपरखैराणे आणि तुर्भे यांना जोडतो. गेल्या काही वर्षांपासून या भागांतील वाहतूक वाढली असून, विशेषतः औद्योगिक कामकाजाच्या वेळेत कोंडी आणि प्रवासाचा कालावधी वाढतो आहे.

या पुनर्विकसात मोठ्या प्रमाणावर नालेसुधारणा, रस्त्यांचे पुनर्निर्माण, खराब झालेल्या पेव्हर ब्लॉक्सची अदलाबदल आणि शक्य तिथे हिरवळ वाढवण्याची योजना हाती घेतली आहे. कामे टप्प्याटप्प्याने करण्यात येणार असून, नागरिकांच्या प्रवासात अडथळा येणार नाही याची काळजी घेतली जाणार आहे. तसेच ही कामे विमानतळाच्या उद्घाटन वेळापत्रकाशी सुसंगत ठेवण्यात येणार आहेत.

कुठुन कुठे जोडणार?

काम पूर्ण झाल्यानंतर हा नवा मार्ग ठाणे, मिरा–भाईंदर आणि ऐरोलीहून विमानतळाकडे जाणाऱ्या वाहनांसाठी दक्षिणेकडे पनवेल आणि उरणपर्यंत थेट जोडणी देणार आहे. कटाई बोगदा, सायन–पनवेल महामार्ग आणि ₹6,300 कोटींच्या ठाणे–एनएमआयए एलिव्हेटेड कॉरिडॉर तसेच मुंबई ट्रान्स हार्बर लिंकला जोडणारा उलवे कोस्टल रोड अशा महत्वाच्या प्रकल्पांशी याची सांगड घातली जाणार आहे.