“मला यात राजकारण आणायचं नाहीये, पण मला दु:ख याचं होतं आहे की, या प्रकरणाबाबत पंकजा मुंडे यांना रात्री कळालं असेल. तरी त्यांनी पोलिसांनी फोन करुन हे का सांगितलं नाही की, जरी अनंत गर्जे माझा पीए असेल तरी त्याच्यावर कारवाई करा, इतकं तरी अपेक्षित होतं. त्यांनी हे बोलावं अशी विनंती करते”, असं अंजली दमानिया म्हणाल्या.
Anant Garje Wife Death: पंकजा मुंडेंच्या पीएच्या डॉक्टर पत्नीने जीव दिला, अनंत गर्जेंविरोधात पोलिसांची मोठी कारवाई
“फेब्रुवारीपासून आतापर्यंत नऊ महिन्यात तिला मारल्याच्या खुणा तिच्या चेहऱ्यावर बऱ्याचदा दिसायच्या. म्हणजेच तिला नेहमी मारहाण होत होती, हे स्पष्ट होतं. काल ती ड्युटीवर होती. एक वाजेपर्यंत ती ड्युटीवर होती. त्यानंतर ती घरी गेली आणि संध्याकाळी साडे सहा वाजता जर हे घडलं असेल, तर त्या पाच तासात काय झालं, याची चौकशी करावी”, असंही त्या म्हणाल्या.

“गौरी गर्जे बीडीडी चाळीत राहायची, तिथून जेव्हा त्यांना मोठ्या टॉवरमध्ये शिफ्ट करायचं होतं. तेव्हा शिफ्टिंगवेळी तिला काही पेपर मिळाले. त्यात किरण इंगळे नावाची कोणी बाई होती, तिचा गर्भपात करण्यासाठी जेव्हा रुग्णालयात नेण्यात आलं होतं. त्या पेपरवर तिच्या नवऱ्याचं नाव अनंत गर्जे लिहिण्यात आलं होतं. हे कळाल्यानंतर त्यांचे वाद वाढत गेले होते. त्यातून हे सगळं घडल्याचं तिच्या आई-वडिलांनी मला सांगितलं”, असंही अंजली दमानिया यांनी सांगितलं.