“उज्ज्वला थिटेंना गावातून कोणी जायला सांगितलं?”

माजी आमदार राजन पाटील यांच्या सून प्राजक्ता अजिंक्य पाटील यांची अनगर नगरपंचायतपदी बिनविरोध निवड झाली आहे. निवड झाल्याबरोबर प्राजक्ता पाटील म्हणाल्या, की उज्ज्वला थिटे यांनी गावात यावं, त्यांचं स्वागत केलं आहे. जल्लोष साजरा केल्यानंतर प्राजक्ता पाटील यांनी माध्यमांसमोर प्रतिक्रिया देताना सांगितलं की, मी उज्ज्वला थिटे यांचं अनगर गावात स्वागत करेन. उज्ज्वला थिटे कधीपण गावात येऊ द्या, त्यांना अनगर गावातून कोणी जायला सांगितलं नाही, त्या मानाने गेल्या आहेत, अशी प्रतिक्रिया अनगर नगरपंचायतीच्या नवीन नगराध्यक्ष प्राजक्ता पाटील यांनी दिली आहे.
Shraddha Bhosale : मुंबईत जन्म, अमेरिकेत शिक्षण, कोकणात सासर; अडखळत्या मराठीवरुन ट्रोल झालेल्या भाजपच्या श्रद्धा सावंत भोसले कोण?

सरस्वती शिंदेंनी उमेदवारी मागे घेतल्याने बिनविरोध

मोहोळ तालुक्यातील अनगर नगरपंचायतीच्या नगराध्यक्ष पदाच्या निवडणुकीत एकूण तीन जणांनी अर्ज भरला होता. माजी आमदार राजन पाटील यांच्या धाकट्या सून प्राजक्ता पाटील भाजपकडून, अपक्ष उमेदवार सरस्वती शिंदे आणि राष्ट्रवादी अजित पवार पक्षाकडून उज्ज्वला थिटे पाटील. निवडणुकीच्या या रिंगणातून उज्ज्वला थिटे पाटील यांचा उमेदवारी अर्ज मंगळवारी सांयकाळी अवैध ठरविण्यात आला तर, सरस्वती शिंदे (अपक्ष उमेदवार) यांनी बुधवारी दुपारी उमेदवारी अर्ज माघारी घेतला. त्यामुळे निवडणूक अधिकाऱ्यांनी प्राजक्ता अजिंक्य पाटील (भाजप) यांना बिनविरोध विजयी घोषित केले आहे.
Maharashtra Politics : शाह साहेब, ही जबाबदारी मुख्यमंत्र्यांची आहे ना… शिंदेंची नाराजी; दिल्लीत 50 मिनिटं चर्चा, भाजपश्रेष्ठी काय म्हणाले?
अनगर नगरपंचायतीच्या एकूण 17 प्रभागात 17 नगरसेवक बिनविरोध निवडून आले आहेत. नगराध्यक्ष पदाची निवडणूक लागेल अशी चर्चा होती, मात्र नगराध्यक्ष पदी प्राजक्ता पाटील यांची बिनविरोध निवड झाली आहे.