शहरातील विविध ठिकाणच्या शेकोट्यांमध्ये लाकूड, कोळसा, कचरा, प्लास्टिक जाळण्यात येत असल्याने धूर; तसेच विषारी वायू निर्माण होत असून, शेकोट्या पेटवणाऱ्यांवर दंडात्मक कारवाईचे आदेश महापालिका आयुक्त नवलकिशोर राम यांनी दिले आहेत.
Pune Crime: पुण्यात कायद्याचा धाक संपला? रात्री दुचाकीवरुन तिघे आले, गाड्यांची काच फोडली अन् पसार झाले
कोळसा, जैविक पदार्थ, प्लास्टिक, रबर किंवा कचरा जाळल्यानंतर होणाऱ्या प्रदूषणामुळे थेट नागरिकांच्या आरोग्यावर परिणाम होतो. शेकोट्या पेटवल्यामुळे धूर, कार्बन मोनॉक्साइड पीएम १०, पीएम २.५ आणि अन्य हानिकारक वायूंचे उत्सर्जन होते. त्यामुळे श्वसनाचे आजार, दमा, अस्थमाचा त्रास होत असल्याचे महापालिकेचे म्हणणे आहे.

शहरात एकीकडे हवा प्रदूषणाची समस्या गंभीर झाली आहे. बांधकामांच्या साइटवर विकसकाकडून हवा प्रदूषण रोखण्यासाठीची नियमावली पाळण्यात येत नाही. महापालिका प्रशासनाची याकडे डोळेझाक होत असताना थंडीचा बचाव करण्यासाठी पेटणाऱ्या शेकोट्यांवर कारवाई होणार आहे.

चार दिवस गारव्याचे
राज्यात पुण्यासह अहिल्यानगर, मालेगाव, नाशिक, गोंदिया, यवतमाळ या केंद्रांवर १० अंशांहून कमी किमान तापमान होते. महाबळेश्वरमध्ये १० अंश सेल्सिअस, तर सातारा, छत्रपती संभाजीनगर, परभणी आणि नागपूर येथील किमान तापमान ११ अंशांदरम्यान होते. मुंबईतही १७.४ अंश सेल्सिअसपर्यंत किमान तापमान होते.

हवेलीत पारा ६.९ अंश सेल्सिअसवर
पुणे : शहरात मागील काही दिवसांपासून थंडीचा कडाका कायम राहिला आहे. शिवाजीनगर येथे मंगळवारी ९.४ अंश सेल्सिअस किमान तापमानाची नोंद झाली असून, या हंगामातील ही नीचांकी किमान तापमानाची नोंद ठरली आहे. हवेली येथे ६.९ अंश सेल्सिअस किमान तापमानाची नोंद भारतीय हवामानशास्त्र विभागाकडे नोंद झाली आहे. भारतीय हवामानशास्त्र विभागाच्या नोंदीनुसार हवेली येथे ६.९ अंश सेल्सिअस, पाषाण येथे नऊ अंश सेल्सिअस, शिवाजीनगर येथे ९.४ अंश सेल्सिअस, तळेगाव येथे ९.९ अंश सेल्सिअस, चिंचवड येथे १४.५ अंश सेल्सिअस किमान तापमानाची नोंद झाली आहे. पुढील दोन दिवस किमान तापमान १० ते १५ अंश सेल्सिअसदरम्यान असेल, असा अंदाज विभागाने नोंदविला आहे.