या प्रकरणी ग्रामीण पोलिसांनी माधव काळे (वय 27 रा. माजलगाव. जिल्हा बीड) याच्या विरोधात ॲट्रॉसिटी आणि आत्महत्येस प्रवृत्त गुन्हा दाखल केला आहे. मयत शीतल मोरे ही अर्धापूर शहरातील सावतामाही नगर येथील रहिवासी आहे. एम ए पर्यंत शिक्षण पूर्ण झाल्यानंतर ती नांदेड शहरातील वर्कशॉप भागात भाड्याने राहून स्पर्धा परीकक्षा आणि पोलीस भरतीची तयारी करत होती. तीची शहरात दाढी कटिंगची दुकानं चालवणाऱ्या माधव काळे या तरुणाची ओळख झाली आणि त्यानंतर दोघांचे प्रेम प्रकरण सुरु होत. याच प्रेम प्रकरणातून संशयीत आरोपी माधव काळे हा तीला विष्णुपुरी पांगरी येथील आपल्या भाड्याच्या घरी बोलावून वारंवार त्रास द्यायचा असा नातेवाईकाचा आरोप आहे.

‘मला घेऊन जा, नाहीतर हे…’ बॉयफ्रेंडला शेवटचा मेसेज करून उचलले टोकाचे पाऊल; पण तपासात समोर आलं भयानक सत्य, बापानेच लेकीला…

माधव हा पांगरी येथे शैलेश नावाच्या मित्राच्या घरी भाड्याने राहत होता. रविवारी त्याने शीतलला घरी बोलवले. याच दरम्यान त्याने शीतलला त्रास दिला आणि त्याच्या त्रासाला कंटाळून तिने रात्री साडे आकरा वाजेच्या सुमारास प्रियकराच्या भाड्याच्या खोलीतील फॅनला गळफास घेवून आत्महत्या केली.

या प्रकरणी साहेबराव मोरे यांच्या फिर्यादीवरुन नांदेड ग्रामीण ठाण्यात माधव काळे याच्या विरोधात आत्महत्येस प्रवृत्त केल्याप्रकरणी आणि ॲट्रॉसिटीचा गुन्हा दाखल करण्यात आला आहे. पुढील तपास उपविभागीय पोलीस अधिकारी प्रशांत शिंदे हे करीत आहेत. संशयीत तरुणाला अटक केल्याची माहिती आहे. दरम्यान घटना घडल्यानंतर मयताच्या नातेवाईकांनी सोमवारी रात्री ग्रामीण पोलिसा ठाण्या बाहेर मोठी गर्दी केली होती.