Pune Murder Case: पुण्यात पुन्हा एकदा गुन्हेगारीने डोके वर काढलं असून सिंहगड कॉलेजजवळ एका तरुणाचा मृतदेह आढळून आला. दगडाने ठेचून आणि कोयत्याने वार करून ही निर्घृण हत्या करण्यात आली आहे. रात्री उशिरा किंवा पहाटे हा खून झाला असावा असा अंदाज आहे.
मिळालेल्या माहितीनुसार, स्थानिक नागरिकांनी रस्त्याच्या कडेला तरुणाचा मृतदेह पाहिल्यानंतर तातडीने सिंहगड रोड पोलीस स्टेशनला याबाबतची माहिती दिली. त्यानंतर पोलीस घटनास्थळी दाखल झाले. पोलिसांनी घटनास्थळी पंचनामा केला असून, प्राथमिक पाहणीत तरुणाच्या डोक्यावर दगडाने मारल्याच्या खुणा आणि शरीरावर कोयत्याने वार केल्याचे दिसून आलं आहे.
पोलिसांनी सांगितलं की, “एका 20 ते 22 वर्षीय तरुणाची हत्या करण्यात आली आहे. दगडाने ठेचून आणि कोयत्याने वार करत तरुणाला मारलं असल्याचा संशय आहे.”
दरम्यान, सध्या, मृत तरुणाची ओळख पटवण्याचे काम सुरू आहे. परिसरातील सीसीटीव्ही फुटेज तपासले जात आहेत, जेणेकरून खुनी कोण आहे याचा छडा लावता येईल. या घटनेमुळे परिसरात भीतीचं वातावरण पसरलं आहे.
काही दिवसांपूर्वीच पिंपरीत मित्रांनीच तरुणाला संपवलं
पुणे आणि परिसरात वारंवार खुनाच्या घटना घडत असल्याचं चित्र आह. पिंपरीत काही दिवसांपूर्वीच मित्रांनी फॉर्च्युनर कारमध्ये तरुणाची हत्या केली होती. नितीन गिलबिले यांची वडमुखवाडी-अलंकापुरम रस्त्यावर फॉर्च्युनर गाडीत हत्या झाली. या हत्येचा कट चार जणांनी रचला होता, अशी माहिती पोलीस तपासात समोर आली. अमित पठारे, विक्रांत ठाकूर, सुमित पटेल आणि आकाश पठारे अशी आरोपींची नावे आहेत. प्राथमिक तपासात आर्थिक व्यवहारातून हा खून झाल्याचे समोर आले आहे. अटक झालेल्या दोन आरोपींवर यापूर्वीही गुन्हे दाखल आहेत.
लेखकाबद्दलअक्षय शितोळेअक्षय शितोळे | २०१८ पासून डिजिटल मीडियात कार्यरत असून सध्या मटा ऑनलाइनमध्ये प्रिन्सिपल डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील रिपोर्टर्ससोबत समन्वय साधण्याचेही काम करत आहे. राजकीय बातम्यांमध्ये विशेष रस, बातम्यांमागची बातमी अर्थात घडामोडींचा विश्लेषणात्मक आढावा घेण्याचा सातत्याने प्रयत्न असतो. शेती आणि ग्रामीण जीवन हे जिव्हाळ्याचे विषय आहेत. यापूर्वी लोकमत, न्यूज १८ लोकमत आणि एबीपी माझा या संस्थांमध्येही कामाचा अनुभव असून मुंबईतील रूईया महाविद्यालयातून पत्रकारितेत पदवी प्राप्त केली आहे.… आणखी वाचा