फेब्रुवारी २०२२नंतर साडेचार वर्षांत सहाव्या प्रशासकांची नियुक्ती आणि चार अधिकारी-कर्मचाऱ्यांना लाचलुचपतच्या जाळ्यात अडकवल्याने अनागोंदी कारभार उघड झाला. नगर परिषदेच्या भोंगळ कारभारामुळे प्रशासकीय काळात जिल्हाधिकारी जितेंद्र डुडी यांनी थेट नगर परिषदेत येऊन आढावा घेतला. जिल्हाधिकारी नगर परिषदेत आल्याची ही पहिलीच वेळ होती. नगराध्यक्षपद ओबीसी महिला राखीव आहे. भाजप आमदार राहुल कुल व ‘प्रेमसुख कटारिया गट’ दौंड नगर परिषदेची सत्ता टिकवण्यासाठी एकवटला आहे. कुल गट नागरिक हितसंरक्षण मंडळ किंवा कमळ चिन्हावर लढणार का, हे पाहावे लागेल.
Pune Accident: पुणेकरांना लाज आणणारा व्हिडिओ समोर; अपघातानंतर कुटुंब आगीत जळत होतं, काहीजण निर्लज्जपणे सोनं लुटत होते!
समोर ‘राष्ट्रवादी’चे अध्यक्ष अजित पवार यांनी पुणे येथे माजी आमदार रमेश थोरात, वीरधवल जगदाळे, नंदू पवार, गुरुमुख नारंग, वैशाली नागवडे इत्यादींच्या समवेत दौंड नगर परिषदेच्या निवडणुकीसंदर्भात सखोल चर्चा केल्याने राष्ट्रवादी काँग्रेस पक्ष गट पूर्ण ताकदीनिशी उतरणार असल्याचे स्पष्ट आहे. राष्ट्रवादी काँग्रेसचे अध्यक्ष अजित पवार यांना पुणे जिल्ह्यातील आपला दबदबा कायम ठेवण्यासाठी दौंड नगर परिषदेची सत्ता मिळवणे आवश्यक झाले आहे.
ना ‘एसआयआर’ ना आणखी काही, ‘या’ एका कारणाने NDA ला मिळाला मोठा विजय, शरद पवारांनी बिहार निवडणूक निकालाचं केलं विश्लेषण
माजी नगराध्यक्ष वीरधवल जगदाळे यांच्या कुटुंबातील सदस्य रिंगणात आल्यास लढत अधिकच लक्षवेधी होण्याची चिन्हे आहेत. बादशाह शेख थोरात गट सोडून कटारिया यांच्या संपर्कात आहेत, तर नंदू पवार व स्वप्नील शहा यांनी कुल-कटारिया सोडून ‘राष्ट्रवादी’त प्रवेश केला. दोन्ही गट उमेदवार आपल्याकडे खेचण्यात व्यग्र आहेत. काही उमेदवारांनी दोन्ही दगडांवर पाय ठेवला आहे. महाविकास आघाडीच्या दौंड शहरातील पदाधिकाऱ्यांनीही निवडणूक लढवण्याचे जाहीर केले आहे. प्रमुख गटांच्या उमेदवारी वाटपानंतर नाराजी आणि बंडखोरीचा अंक सुरू होणार आहे.
Pune Navale Bridge : नवस पूर्ण करुन निघाले, एकाच कुटुंबातील तिघांसह चिमुकलीचाही मृत्यू, बाबा म्हणाले माझी मोक्षिता गेली आणि…

नागरिकांना काळजी विकासाची

या निवडणुकीच्या पार्श्वभूमीवर दौंडच्या नागरिकांना मात्र दौंडच्या थांबलेल्या विकासाची काळजी वाटत आहे. निधीचा भडिमार आणि विकासकामांची वानवा अशी दौंड शहराची अवस्था आहे. दौंड नगर परिषदेला स्वतःचे कार्यालय नाही. दौंड नगर परिषदेचे कार्यालय टाउन हॉलच्या जागेत कार्यरत आहे. त्यामुळे नगर परिषदच अतिक्रमण करणारी संस्था झाली आहे. नागरी समस्या मोठ्या प्रमाणात असलेल्या दौंड शहरवासीयांना बारामतीचा विकास आणि दौंडचा भकासपणा जाणवतो. शहरातील नागरिक कायम दौंड शहराच्या विकासाची तुलना बारामतीशी करतो. त्यामुळे दौंडकरांना बारामतीसारखा चौखूर विकास हवा आहे.दौंड नगर परिषदेचे नगराध्यक्ष पद ओबीसी महिला पदासाठी राखीव आहे. एकूण १३ प्रभाग असून, त्यातून २६ नगरसेवक निवडून येणार आहेत. २६ नगरसेवक व एक अध्यक्ष यासाठी निवडणूक होत असून, दौंड नगर परिषदेची एकूण मतदारसंख्या ५० हजार ४८९ आहे.