Solapur Political News : मोहोळ नगर परिषदेच्या निवडणुकीवरून आमदार राजू खरे आणि माजी आमदार यशवंत माने यांच्यात आरोप-प्रत्यारोप सुरू आहेत. अनगर येथील एका महिलेच्या विषयावरून हा वाद पेटला आहे. यशवंत माने यांनी केलेल्या आरोपांना राजू खरे यांनी प्रत्युत्तर दिले आहे. महिलेवर झालेल्या अन्यायाबद्दल राजू खरे यांनी चिंता व्यक्त केली आहे. त्यांनी यशवंत माने यांच्यावर टीका केली आहे.
अनगर येथील महिलेवरून माजी आणि विद्यमान आमदारात कलगीतुरा
मोहोळतालुक्याचे माजी आमदार यशवंत माने यांनी मोहोळ विधानसभेच्या निवडणुकीच्या वेळेस उज्वला थिटे यांनी दहा लाख रुपये मागितल्याचा आरोप केला होता. या आरोपांना राष्ट्रवादी शरद पवार पक्षाचे आमदार राजू खरे यांनी दिले चोख प्रत्युत्तर दिले आहे. अनगर येथील उज्वला थिटे या अनगर येथील पाटलाच्या सुनबाई, त्यांची जवळपास 30 ते 35 एकर जमीन होती. त्यांच्यावर त्या ठिकाणी प्रचंड अन्याय झाला, असे आमदार राजू खरे यांनी प्रतिउत्तर दिले आहे.
माढ्यातला संतापजनक प्रकार, हॉटेल मालकाची कर्मचाऱ्याला सर्वांसमोर निर्वस्त्र करत मारहाण
मी पण दोन पोरींचा बाप आहे- आ.राजू खरे
राष्ट्रवादी शरद पवार पक्षाचे विद्यमान आमदार राजू खरे यांनी बोलताना माजी आमदार यशवंत मानेंना टोला लगावला आहे. मी पण दोन पोरींचा बाप आहे. मात्र यांच्या कार्यकाळात एका महिलेला अनगर गाव सोडून जाण्याची वेळ आली आहे. ही तक्रार घेऊन ती महिला तत्कालीन आमदार यशवंत मानेंकडे गेली होती. मात्र त्या महिलेला न्याय न देता खोटेनाटे आरोप करण्यात आले. यशवंत मानेला जरा लाज वाटायला पाहिजे, अशा तिखट शब्दात राजू खरेंनी टीका केली.
लेखकाबद्दलहरिश मालुसरे हरिश मालुसरे, महाराष्ट्र टाइम्स ऑनलाईनमध्ये डिजिटल कंटेंट प्रोड्युसर म्हणून कार्यरत आहेत. 2020 पासून पत्रकारितेच्या क्षेत्रात आहेत. राजकीय, स्पोर्ट्स, आणि क्राईम या विषयांच्या बातम्यांमध्ये विशेष आवड. पुण्यातील आबासाहेब गरवारे महाविद्यालयात पत्रकारितेमध्ये आपली पदवीचे शिक्षण पूर्ण केले. त्यानंतर थोडक्यात, झी २४ तास, टीव्ही९ मराठी या माध्यमांमध्येही ऑनलाईन टीममध्ये काम केले आहे.… आणखी वाचा