आरपीएफची वर्दी घातून तो फिरत होता

कल्याण रेल्वे स्टेशन नेहमी प्रवाशांनी गजबजलेले असते. बुधवारी प्रवासी ये जा करीत होते. आरपीएफ आणि जीआरपी पोलिस गस्त घालत होते. याच दरम्यान आरपीएफचा एक एएसआय स्टेशनवर फिरताना दिसून आला. आरपीएफच्या जवानांनी कल्याण स्टेशनवर फिरत असलेल्या या आरपीएफ अधिकाऱ्याला पाहून आश्चर्य चकित झाले. कल्याणमध्ये हा आरपीएफ अधिकारी कधी दिसलाच नाही. कोपरगाव नगरपरिषद रंगतदार होणार, विखे पाटलांच्या निकटवर्तीय ओबीसी चेहऱ्याला राष्ट्रवादीकडून नगराध्यक्षपदाची उमेदवारी, नेमकं काय घडतंय?

हा इतर ठिकाणचा आहे का? याची विचारपूस करण्यासाठी एका आरपीएफ जवानाने त्याची विचारपूस केल्यानंतर त्याची बोबडीचं वळली. त्यानंतर धक्कादायक माहिती समोर आली. हा आरपीएफ अधिकारीच नव्हता तर केवळ आरपीएफची वर्दी घातून तो फिरत होता.

आरपीएफच्या जवानांनी त्याला पकडून जीआरपीच्या ताब्यात दिले. कल्याण जीआरपीचे वरिष्ठ पोलिस निरिक्षक पंढरीनाथ कांदे यांनी या प्रकरणाचा तपास सुरु केला आहे. आरपीएफची वर्दी घालून वर्दीवर एएसआय वन स्टार अशी फित लावली होती. पकडण्यात आलेल्या तरुणाचे नाव अविनाश जाधव असे आहे. तो धाराशीव येथील भूमचा राहणारा आहे. त्याने एफवायबीए पर्यंतचे शिक्षण घेतले आहे. तो हॉटेलमध्ये साफ सफाईचे काम करुन त्याचा गुजारा करीत होता.

गावी त्याचे आई वडिल असून ते शेती करतात. पोलीस बनण्याची क्रेझ आणि लग्न जमत नसल्याने त्याने हे धक्कादायक कृत्य केल्याचे कळते आहे. एवढच नाही, त्याच्या गावकऱ्यांनीही त्याचा आरपीएफ जवान म्हणून सत्कारही केला होता. लहानपणापासून पोलिसच्या वर्दीची क्रेझ असल्यामुळे तो कल्याणमध्ये आरपीएफची वर्दी घालून फिरत असताना आढळून आला. कल्याण जीआरपी आणि आरपीएफ पोलिसांनी त्याला अटक केली आहे. दरम्यान अविनाश याने आरपीएफची वर्दी घालून काही गैर कृत्य केल्याचे पोलिस तपासात अद्यापपर्यंत निष्पन्न झालेले नाही. परंतू या संदर्भात पोलिसांचा तपास सुरु आहे.