नेमकी घटना काय?

अमीर कन्नुरे हा गेल्या पाच-सहा वर्षापासून कुरणे यांच्या तबेल्यात झोपायला असायचा. तेथील किरकोळ कामे करत होता. अमीर याला दारूचं व्यसन होतं. संशयित मलिक आणि निशांत हे दोघे त्याचे मित्र होते. तिघांना दारूचं व्यसन असल्यामुळे तिघेजण बऱ्याचदा एकत्र दारू पित होते. अमीर आणि संशयित मलिक, निशांत हे काल रविवारी सायंकाळी एकत्र आले होते. तेव्हा अमीर याने त्यांना अश्लील शिवीगाळ केली होती. त्यामुळे दोघांना त्याचा राग आला होता. याच रागाच्या भरातून दोघांनी अमीरचा काटा काढायचं ठरवलं.

मोठी बातमी: राज्यात पहिल्यांदाच ते समीकरण अखेर जुळलं, मनसेचा महाविकास आघाडीत समावेश, कोणत्या शहरातून झाली सुरुवात?

रात्री अकराच्या सुमारास अमीर तबेल्याच्या प्रवेशद्वाराजवळ असलेल्या पत्र्याच्या खोलीत झोपायला गेला. तर तबेल्यात काम करणारा त्याचा साथीदार नितीन बाळू जाधव हा त्याच्या मित्रांसोबत तबेल्याच्या बाहेर गप्पा मारत बसला होता. काहीवेळाने मित्र निघून गेल्यानंतर नितीन झोपायला आतमध्ये आला. काही वेळानंतर झोपण्यापूर्वी नितीन हा लघुशंकेसाठी बाहेर आला. सार्वजनिक बांधकाम विभागाच्या ऑफीससमोरील बोळात तो गेला.

Kolhapur Accident : चल जातो रे! गणपतीपुळेला जाऊन आले, मित्राने सोडलं, घरी जाताना भीषण अपघात, स्टेअरिंग आणि सीटमध्ये पडले अडकून

स्ट्रेचरवरून उतरवताच मृत्यू

दरम्यान, संशयित मलिक आणि निशांत हे दोघेजण अमीरचा काटा काढायचा म्हणून तबेल्यापासून काही अंतरावर थांबलेले होते. नितीन तबेल्यातून बाहेर पडल्याचे पाहून दोघेजण आतमध्ये आले. अमीर झोपलेल्या खोलीला दरवाजा नव्हता. त्यांनी आत आल्यानंतर अमीरच्या तोंडावर एडक्यासारख्या हत्याराने वार केले. तेवढ्यात नितीन हा लघुशंका करून तबेल्यात परतत होता. त्याला दोघेजण पळून जाताना दिसले. त्याने एकाचा पाठलाग करण्याचा प्रयत्न केला. तेव्हा दुचाकी सोडून तो पळाला. नितीन पळत तबेल्यात आला. तेव्हा अमीरवर हल्ला झाल्याचे दिसून आले. त्याने तात्काळ कुरणे यांना कळवलं. जखमी अमीर याला तात्काळ सिव्हीलमध्ये हलवले. परंतू स्ट्रेचरवरून त्याला खाली उतरवत असतानाच त्याचा मृत्यू झाला.