राज्य सरकारने वरळीतील बीडीडी चाळ पुनर्विकास प्रकल्पात एकास एक पार्किंगची सुविधा पुरवली आहे. सुरुवातीला या प्रकल्पातील रहिवाशांना ‘दोनास एक प्रमाणे पार्किंग सुविधा देण्याचा प्रस्ताव होता. त्यानंतर वरळी बीडीडी चाळ प्रकल्पातील रहिवाशांना एकास एक पार्किंगची सुविधा पुरवण्यात आली आहे. याशिवाय, नायगाव बीडीडी पुनर्विकास प्रकल्पाच्या दुसऱ्या टप्प्यात स्वतंत्र पार्किंग इमारत उभारून रहिवाशांना एकास एक पार्किंग सुविधा देण्यात येईल, असं आश्वासन म्हाडा प्रशासनाकडून देण्यात आल्याची चर्चा आहे.
मुंबईत खाडीवरील पुलामुळे दीड तासाचा प्रवास 10 मिनिटांत होणार, 3900 कोटी खर्च; कसा असेल मार्ग?
ना. म. जोशी मार्ग बीडीडी चाळीतील रहिवाशांना जागेअभावी एकास एक पार्किंग देता येणार नाही, असं म्हाडा प्रशासनाकडून सांगण्यात आलं आहे. त्यामुळे एकाच प्रकल्पाच्या दोन विभागांत एकास एक पार्किंग असताना केवळ ना. म. जोशी मार्ग बीडीडी चाळीतील रहिवाशांसाठी दोनास एक पार्किंग हे सूत्र
अन्यायकारक असल्याची स्पष्ट म्हाडा भूमिका रहिवाशांनी घेतली आहे. त्यासंदर्भात, ना. म. जोशी मार्ग बीडीडी पुनर्विकास समितीतर्फे प्राधिकरणाकडे वारंवार पत्रव्यवहार करण्यात आला, असं समितीचे अध्यक्ष कृष्णकांत नलगे यांनी सांगितलं.

त्या मागणीवर अद्याप कोणताही निर्णय झाला नसून त्यासाठी एकनाथ शिंदे यांना याबाबत पत्र पाठवलं आहे, असेही ते म्हणाले. ना. म. जोशी मार्ग बीडीडी पुनर्विकास प्रकल्पातील सर्व पात्र रहिवाशांना वरळी व नायगावप्रमाणे एकास एक पार्किंग सुविधा देण्यासाठी योग्य कार्यवाही करावी, असं पत्रात नमूद केलं आहे.