महाविकास आघाडीत असतानाही लोकसभा, विधानसभा निवडणूक वगळता इतर निवडणुका काँग्रेस, राष्ट्रवादी काँग्रेस स्वतंत्रपणेच लढत असल्याचा दाखला द्यायलाही ते विसरले नाहीत.
Ajit Pawar : ‘जे खरं नसेल, त्याची बदनामी करु नका’, पार्थ पवार जमीन घोटाळा प्रकरणात अजित पवारांचं स्पष्टीकरण, म्हणाले…
पुरंदर, दौंड, शिरूर, जुन्नर, खेड, आंबेगाव, मुळशी या तालुक्यांतील पदाधिकारी, कार्यकर्त्यांशी अजित पवार यांनी संवाद साधला. या वेळी माजी जिल्हाध्यक्ष सुरेश घुले, आमदार ज्ञानेश्वर कटके, शंकर मांडेकर, माजी आमदार दिलीप मोहिते, अतुल बेनके उपस्थित होते. मुळशी व भोर तालुक्यांतील विविध पक्षांतील कार्यकर्त्यांसह चाकण शहराच्या शिवसेना उबाठा पक्षाच्या महिला शहरप्रमुख विजया जाधव यांनी राष्ट्रवादीत प्रवेश केला.

अजित पवार म्हणाले, गेल्या काही दिवसांपासून आम्ही आढावा घेत आहोत. विविध भागांतील कार्यकर्ते आता वेगवेगळी मते मांडू लागले आहेत. पूर्वी आम्ही महायुतीतील तीन पक्षांनी एकत्रित निवडणुका लढवाव्यात, असा निर्णय घेतला होता. मात्र, निवडणुका जवळ येत आहेत, तशा स्थानिक पातळीवर परिस्थिती वेगळी असल्याने निवडणूक कशी लढवायची हा निर्णय घेण्याचे अधिकार स्थानिक नेत्यांना दिले जाणार आहेत. महायुतीमध्ये तीन पक्ष एकत्र आहेत. त्यामुळे पुढील काही दिवसांत त्याबाबत निर्णय होतील. शिवसेना नेते विजय शिवतारे यांच्याशी एकत्र निवडणूक लढविण्याबाबत बोललो आहे. त्या वेळी आरक्षण पडू द्या, इच्छुकांची संख्या पाहू त्यानंतर निर्णय घेऊ, असे त्यांनी म्हटले आहे.
पुणेकरांना मोठा दिलासा! अभय योजनेत थकबाकीदारांना दंडाच्या रकमेत 75 टक्के सूट, डेडलाईन काय?
स्थानिक स्वराज्य संस्थांची निवडणूक आठ वर्षांनंतर होत आहे. बरेच राजकीय चित्र बदलले आहे. त्यात काही नवे पक्ष निर्माण झाले आहेत. त्यामुळे संधी मिळावी, अशी प्रत्येकाची इच्छा असणार आहे. यामध्ये काहीही चूक नाही. आरक्षण पडल्यानंतर स्थानिक परिस्थितीचा आढावा घेऊन पदाधिकाऱ्यांशी चर्चा करून निवडणूक कशी लढवायची याचा निर्णय होईल,’ असे उपमुख्यमंत्री पवार यांनी स्पष्ट केले.

भोरमध्ये थोपटे भाजप विरुद्ध राष्ट्रवादी
मुळशी आणि भोर तालुक्यांतील विविध पक्षांतील पदाधिकाऱ्यांनी उपमुख्यमंत्री अजित पवार यांच्या उपस्थितीत पक्षात प्रवेश केला. भोरचे आमदार शंकर मांडेकर यांच्या उपस्थितीत भोरच्या भारतीय जनता पक्षाच्या नगराध्यक्ष निर्मला आवारे यांनी अजित पवार यांच्या राष्ट्रवादी काँग्रेस पक्षात प्रवेश केला. भोरमध्ये आत्ताची भाजप म्हणजे संग्राम थोपटे यांची भाजप आहे. आम्ही राष्ट्रवादी म्हणून लढणार आहोत. पक्षाने स्थानिक नेत्यांना निर्णय घेण्याचा अधिकार दिला असून, भोरमध्ये थोपटे भाजप विरुद्ध राष्ट्रवादी अशीच लढत होणार आहे, असे भोर-वेल्हा-मुळशीचे आमदार शंकर मांडेकर यांनी पत्रकारांशी बोलताना सांगितले.