राजनगर येथील नॅशनल फायर सर्व्हिसेस कॉलेजच्या सभागृहात २४ ऑक्टोबर रोजी रोजगार मेळाव्याचे आयोजन करण्यात आले होते. या मेळाव्याच्या आयोजनाची जबाबदारी टपाल विभागाकडे होती. त्यानुसार, विभागाद्वारे संपूर्ण तयारी करण्यात आली. मात्र, प्रत्यक्ष कार्यक्रमप्रसंगी बदलीच्या आदेशाविरुद्ध कॅटमधून स्थगिती मिळविणाऱ्या पोस्टमास्टर जनरल शोभा मधाळे आणि प्रभारी पोस्टमास्टर जनरल सुचिता जोशी या दोघी उपस्थित झाल्या. दोघीही मंचावर स्थानापन्न झाल्यात. कार्यक्रमाला प्रमुख पाहुणे म्हणून केंद्रीय मंत्री नितीन गडकरी होते. त्यांच्या उपस्थितीत या दोन महिला अधिकाऱ्यांमधील वाद उफाळून आला. या दोघींमध्ये मंचावर शाब्दीक खटके उडालेत.
Vijay Vadettivar: ‘मंत्री प्रताप सरनाईकांनी दोनशे कोटींची जमीन तीन कोटींमध्ये लाटली’, विजय वडेट्टीवार यांचे खळबळजनक आरोप
मधाळे यांनी जोशींना हाताच्या कोपऱ्याने धक्का देत शेजारी बसण्याचा इशारा केला. हाताला चिमटा काढला. हा संपूर्ण प्रकार टपाल विभागातील विद्यमान उच्च अधिकारी आणि नव्याने नियुक्त झालेल्या उमेदवारांपुढे घडला. उपस्थितांपैकी काहींनी त्याचा व्हिडीओ बनविला. काही वेळात हा व्हिडिओ व्हायरल झाला. हा व्हिडिओ टपाल विभागाच्या वरिष्ठांपर्यंत पोहचला.

Pune Land Scam: अजित पवार यांनी राजीनामा द्यावा, काँग्रेस नेते विजय वडेट्टीवारांची मागणी
पोस्टमास्टर जनरल शोभा मधाळे यांची बदली धारवाड येथे झाली आहे. त्यामुळे नवीन मुंबईच्या पोस्टमास्टर जनरल सुचिता जोशी यांच्याकडे नागपूर पोस्टमास्टर जनरल कार्यालयाचा प्रभार सोपविण्यात आला आहे. मधाळे यांनी कॅटमधून बदलीविरुद्ध स्थगिती आणलेली असली तरी जोशी यांना प्रभारातून मुक्त केलेले नाही. तसेच रोजगार मेळाव्याच्या नोडल अधिकारी म्हणून कार्यक्रमाची संपूर्ण जबाबदारी जोशी यांच्याकडे होती. त्यामुळे मधाळे यांनी तिथे जाणे चुकीचे होते, असे वरिष्ठांचे म्हणणे होते. ही सर्व पार्श्वभूमी लक्षात घेत दिल्ली येथील टपाल विभागाच्या मुख्यालयातून मधाळे यांच्या निलबंनाचा आदेश काढण्यात आला आहे. हा आदेश गुरुवार, ६ नोव्हेंबर रोजी त्यांना पोहचला असून तेव्हापासून त्यांनी कार्यालयात जाणे थांबविल्याची माहिती आहे.