मराठा आरक्षण आंदोलक मनोज जरांगे पाटील सध्या चर्चेत आहेत. राष्ट्रवादीचे आमदार धनंजय मुंडे यांच्यावर केलेल्या गंभीर आरोपांमुळे धनंजय मुंडे यांच्या सांगण्यावरूनच माझ्या हत्येचा कट रचण्यात आल्याचं जरांगे पाटलांनी म्हटल्यानंतर राज्यभर खळबळ उडाली. दुसरीकडे, काही महिन्यांपूर्वी मुंबईतील आझाद मैदानात मनोज जरांगे पाटलांनी मराठा आरक्षणासाठी आंदोलन केलं होतं. या आंदोलनामुळे सध्या जरांगे पाटील अडचणीत आले आहेत.

Thane Crime : चारित्र्याच्या संशयावरुन सतत वाद, डोक्यात तिडीक गेल्यानं बायकोला संपवलं, नंतर स्वत:ला…; ठाणे हादरलं

मराठा आरक्षणासाठी आझाद मैदानावर आंदोलन करणारे मनोज जरांगे यांच्या अडचणीत वाढ झाली आहे. मनोज जरांगे पाटील यांना मुंबई पोलिसांनी चौकशीसाठी नोटीस बजावली आहे. येत्या 10 नोव्हेंबरला सकाळी 11 वाजता त्यांना आझाद मैदान पोलीस ठाण्यात हजर राहण्याच्या सूचना देण्यात आल्या आहेत. या प्रकरणात पांडुरंग तारक, गंगाधर काळकुटे, चंद्रकांत भोसले, वीरेंद्र पवार आणि प्रशांत सावंत या चार जणांनाही नोटीस पाठवण्यात आली आहे.

Beed News : ’25 कोटींची ऑफर मी नाकारली, म्हणून…’, गंगाधर काळकुटेंचं धनंजय मुंडेंच्या आरोपांना प्रत्युत्तर; बीडमध्ये वातावरण तापलं

मनोज जरांगेंचं धनंजय मुंडेंवर आरोप

मनोज जरांगे पाटील यांनी पत्रकार परिषद घेत माजी मंत्री धनंजय मुंडे यांच्यावर गंभीर आरोप केलेत. ‘धनंजय मुंडे यांनी माझ्या विरोधात षडयंत्र रचण्याचं काम केलं. मला मारण्यासाठी अडीच कोटींची डील झाली. भाऊबीजेच्या दिवशी ही बैठक झाली होती,’ असं मनोज जरांगे यांनी म्हटलं होतं. यावरून माजी मंत्री धनंजय मुंडे यांनीही पत्रकार परिषद घेत ‘माझी आणि जरांगे यांची ब्रेन टेस्ट करा. या प्रकरणाची सीबीआयने चौकशी करावी’, अशी मागणी केली आहे.