मिळालेल्या माहितीनुसार, वाघोली परिसरातील एका तरुणाचा खून करण्याचा कट या सहा मुलांनी रचला होता. या कटासाठी त्यांनी अवैध शस्त्रे मिळविण्याचा प्रयत्न सुरू केला आणि सांगवी परिसरात राहणाऱ्या शस्त्रविक्रेत्यांशी संपर्क साधला. या व्यवहारासाठी त्यांनी तब्बल एक लाख रुपयांची रोकड दिल्याचे समोर आले आहे.
संतापजनक! आदिवासी विद्यार्थ्याला MBBSचा प्रवेश नाकारला, पूर्ण शुल्क भरण्याच्या नावाखाली कार्यालयात डांबले
खंडणी विरोधी पथकाला या हालचालीबद्दल गुप्त माहिती मिळताच त्यांनी तातडीने सांगवी परिसरात सापळा रचला. मंगळवारी रात्री उशिरा करण्यात आलेल्या या कारवाईत पोलिसांनी सर्व आठ संशयितांना पकडण्यात यश मिळवले यात सहा अल्पवयीन मुलांसह दोन शस्त्रविक्रेत्यांचा समावेश आहे. या प्रकरणी पोलिस शिपाई प्रदीप गोडांबे यांनी सांगवी पोलिस ठाण्यात औपचारिक तक्रार दाखल केली असून, गुन्हा नोंदविण्यात आला आहे. सध्या खंडणी विरोधी पथक आणि स्थानिक पोलिस मिळून सखोल तपास करत आहेत. पोलिसांकडून या अल्पवयीन मुलांचा उद्देश काय होता, कोणत्या दबावाखाली किंवा प्रलोभनाखाली त्यांनी हा निर्णय घेतला, तसेच शस्त्रे नेमकी कुठून आणली गेली याचा शोध घेतला जात आहे.
Pune News : आई अगं खूप पोट दुखतंय! औषधोपचार करूनही तिला नव्हता मिळत आराम, शेवटी ऑपरेशन केल्यावर डॉक्टरही हादरले, २८० ग्रॅम वजनाचा…
या घटनेमुळे पुणे शहर आणि ग्रामीण भागात वाढत्या अल्पवयीन गुन्हेगारीबद्दल गंभीर चिंता व्यक्त केली जात आहे. शनिवारी पुण्यातील खडीमशीन चौक येथे झालेल्या गणेश काळे खून प्रकरणामध्ये अल्पवयीन मुलांचा समावेश होता. तर मंगळवारी बाजीराव रोडवर मयंक खरारे या 17 वर्षीय अल्पवयीन मुलाच्या झालेल्या खुनामध्ये आरोपी सुद्धा अल्पवयीनच आहेत. त्यामुळे अल्पवयीन तरुणांमध्ये वाढती गुन्हेगारी हा पुणे शहराच्या दृष्टीने अत्यंत चिंतेचा विषय बनला आहे. यामध्ये पुण्यामध्ये कार्यरत असणाऱ्या टोळ्या या अल्पवयीन मुलांना लक्ष करून त्यांना गुन्हेगारी क्षेत्रात उतरवत असल्याचा समोर आला आहे.
Pune Crime : पुण्यातील १४ कोटी फसवणूक प्रकरणात धक्कादायक माहिती समोर, भोंदू बाबाने मुलीचा आजार बरा करतो सांगत कोणती भीती दाखवलेली?
दरम्यान, सांगवी पोलिसांकडून तपास अधिक व्यापक करण्यात आला असून, आरोपींनी कोणाच्या सांगण्यावरून आणि कोणत्या माध्यमातून हे शस्त्र व्यवहार केले याबाबत अनेक ठिकाणी चौकशी सुरू आहे. पोलिसांचे म्हणणे आहे की, या प्रकरणात आणखी काही जणांचा सहभाग असू शकतो आणि त्यांचा शोध घेण्यासाठी विशेष पथक कार्यरत आहे.