नेटीझन्स आणि सोशल मीडियातून होत असलेल्या ट्रोलिंगमुळे तरुणाने विहिरीत उडी घेऊन आत्महत्या केल्याची धक्कादायक घटना जालना जिल्ह्यातील ढोकमळ तांडा येथे घडली. त्यानंतर, व्हिडीओ व्हायरल करणाऱ्यांवर कारवाई करा, धमकी देणाऱ्यांवर कारवाई करावी, अशी मागणी करत कुटुंबीय व नातेवाईकांनी पोलीस ठाण्यात धाव घेतली असून आष्टी पोलीस ठाण्यात गुन्हा दाखल करण्याची प्रक्रिया सुरू आहे.

Navi Mumbai Crime : फेक पोलिसाचा खेळ खल्लास! नवी मुंबईतील सज्जाद इराणी गजाआड, कारनामे ऐकून पोलिसही हादरले

नेमकी घटना काय?

काही दिवसांपूर्वी दोन तरुण छत्रपती संभाजीनगर रेल्वे स्थानकावरील संभाजीनगर नावाच्या पिवळ्या बोर्डाखाली लघुशंका करताना आढळून आले होते. त्यावेळी, तिथे एका तरुणाने या लघुशंका करणाऱ्या तरुणांचा व्हिडिओ काढला होता. लघुशंका करणारे हे तरुण नशेत असल्याचं सांगण्यात आलं होतं. त्यानंतर, त्यांचा हा व्हिडिओ व्हायरल झाल्यानं त्यांनी दुसऱ्या दिवशी माफीचा एक व्हिडिओ देखील टाकला होता. त्यामध्ये, दोन्हीही तरुणांनी त्यांच्याकडून झालेल्या चुकीबद्दल माफी मागितली होती.

Beed News: ‘आरोग्य विभागाच्या जाहिराती स्थगित करा, राखीव प्रवर्गावर अन्याय होतोय’, धनंजय मुंडेंचं मुख्यमंत्री फडणवीसांना पत्र

मात्र, तरी देखील या तरुणांचे व्हिडिओज अनेक इन्स्टाग्राम अकाऊंटवरुन व्हायरल करण्यात आले. या घटनेमुळे मुलांना रोज धमकीचे मेसेज आणि फोन येत होते. या धमक्यांना कंटाळून 28 वर्षीय महेश आडे या तरुणाने विहिरीत उडी घेऊन जीवन संपवल्याची धक्कादायक घटना घडली. त्याआधी, ‘हे सगळं मला सहन होत नाही. त्यामुळे मी आत्महत्या करेन’, असं महेश आडे याने मित्रांजवळ बोलूनही दाखल होतं. त्यानंतर, विहिरीत उडी घेऊन त्याने आत्महत्या केली.