गर्दीच्या वेळी लोकलमध्ये प्रवास करणे अनेकांसाठी त्रासदायक ठरते. अशाच एका गर्दीच्या लोकलमध्ये वाशीहून पनवेलकडे जाताना काही तरुणांनी गैरवर्तन सुरू केले. त्यांनी प्रवाशांमध्ये गोंधळ घातला आणि महिला प्रवाशांसमोर अश्लील शिवीगाळ केली. यामुळे डब्यातील वातावरण तणावपूर्ण बनले. इतर प्रवाशांनी त्यांना शांत राहण्याची विनंती केली, पण हे तरुण उलट प्रवाशांशीच धक्काबुक्की करू लागले.

Beed News: ‘आरोग्य विभागाच्या जाहिराती स्थगित करा, राखीव प्रवर्गावर अन्याय होतोय’, धनंजय मुंडेंचं मुख्यमंत्री फडणवीसांना पत्र

या कठीण परिस्थितीत, महाराष्ट्र पोलिस बॉईज संघटनेचे रायगड जिल्हा अध्यक्ष किशोर वाजे यांनी प्रसंगावधान दाखवले. त्यांनी लगेच पनवेल रेल्वे पोलिस ठाण्याचे वरिष्ठ निरीक्षक विजय तायडे यांना या घटनेची माहिती दिली. वरिष्ठ निरीक्षकांच्या सूचनेनुसार, पोलीस कर्मचारी इंगवले, वाघे आणि महिला पोलीस सुळे यांचे पथक तातडीने पनवेल स्थानकावर पोहोचले.

जेव्हा लोकल पनवेल स्थानकात पोहोचली, तेव्हा पोलिसांनी त्या टवाळ तरुणांना लगेच ताब्यात घेतले. पुढील चौकशीसाठी त्यांना रेल्वे पोलिस ठाण्यात नेण्यात आले. या कारवाईमुळे लोकल प्रवाशांना मोठा दिलासा मिळाला. किशोर वाजे यांनी दाखवलेल्या सामाजिक सजगतेचे आणि धाडसाचे सर्व स्तरांतून कौतुक होत आहे. प्रवाशांनीही या कारवाईबद्दल समाधान व्यक्त केले आहे.

महात्मा फुले आणि आयुष्मान भारत योजनांमध्ये सुधारणा; फ्रंटलाईन वर्कर्सच्या मानधनात वाढ

राज्यातील आगामी निवडणुका लक्षात घेऊन राज्य सरकारने जनतेला आणि आरोग्य कर्मचाऱ्यांना दिलासा देणारे महत्त्वाचे निर्णय घेतले आहेत. सार्वजनिक आरोग्य विभागाने आज झालेल्या मंत्रिमंडळ बैठकीत फ्रंटलाईन आरोग्य कर्मचाऱ्यांच्या मानधनात वाढ, तसेच महात्मा ज्योतिराव फुले जन आरोग्य योजना आणि आयुष्मान भारत योजना या दोन्ही आरोग्य योजनांमध्ये सुधारणा करण्यास मंजुरी दिली आहे.

या निर्णयानुसार, आयुष्मान कार्ड तयार करणारे आणि वितरण करणारे कर्मचाऱ्यांचे मानधन वाढवण्यात येणार असून, यामुळे हजारो कर्मचाऱ्यांना थेट आर्थिक दिलासा मिळेल. त्याचबरोबर उपचारांच्या याद्यांमध्ये नवीन आरोग्य सेवा आणि प्रक्रिया समाविष्ट करण्यात येणार आहेत, ज्यामुळे नागरिकांना मोफत आणि दर्जेदार उपचार मिळण्याचा मार्ग मोकळा झाला आहे.