या पक्षप्रवेशाचा भव्य सोहळा गुरुवारी (६ नोव्हेंबर) चाकण येथे आयोजित करण्यात आला असून, उपमुख्यमंत्री एकनाथ शिंदे, शिवसेनेचे आमदार, तसेच जिल्ह्यातील वरिष्ठ पदाधिकारी उपस्थित राहणार आहेत. देशमुखांच्या या निर्णयामुळे उत्तर पुण्यातील राजकीय गणिते पूर्णपणे बदलण्याची चिन्हे आहेत.
Pune News: दोन कोवळी मुलं मारली, आजोबांचाही जीव घेतला; पुण्यातील तो नरभक्षक बिबट्या अखेर ठार, मध्यरात्री सिनेस्टाइल घडामोडी
खेड तालुक्यातील राजकारणात देशमुख कुटुंबाची मजबूत पकड आहे. स्थानिक विकास कामे आणि सामाजिक संपर्क यामुळे अतुल देशमुख हे या भागातील महत्त्वाचे राजकीय चेहरे मानले जातात. एक वर्षापूर्वीच त्यांनी राष्ट्रवादी काँग्रेसमध्ये प्रवेश केला होता, मात्र गेल्या काही महिन्यांपासून पक्षांतर्गत मतभेद आणि स्थानिक नेतृत्वासोबत वाढत्या नाराजीमुळे त्यांनी अखेर शरद पवार गटाला रामराम ठोकला आहे, अशी चर्चा सुरू आहे. त्यांच्या सोबत चाकण, राजगुरुनगर, आळंदी परिसरातील नगरसेवक, पंचायत समिती सदस्य आणि असंख्य कार्यकर्तेही शिंदे गटात सामील होणार असल्याची माहिती आहे. यामुळे उत्तर पुण्यातील शिवसेना (शिंदे गट) अधिक बळकट होणार असून, राष्ट्रवादी शरद पवार गटाला निवडणुकीपूर्वीच मोठे खिंडार पडले आहे.
Pune Crime : पोरींच्या प्रेमापायी बाप सगळं गमावून बसला! शंकर महाराजांच्या नावाने महिला मांत्रिकाने पुण्यातील इंजिनियरला १४ कोटींना गंडवलं, इंग्लंडचं फार्महाऊसही…
देशमुख यांच्या पक्षप्रवेशासाठी चाकण येथील भाग्यश्री मंगल कार्यालयात भव्य मेळाव्याचे आयोजन करण्यात आले आहे. या कार्यक्रमात आगामी स्थानिक स्वराज्य निवडणुकांसाठी खेड तालुक्यातील रणनीती आणि इच्छुक उमेदवारांची प्राथमिक यादी जाहीर होण्याची शक्यता आहे. तालुक्यातील राजकीय वातावरण या कार्यक्रमामुळे तापले आहे.
Pune News : पुणेकरांचा प्रवास आता अधिक सुखकर; लोणी काळभोर, सासवड मेट्रो पुरंदर विमानतळापर्यंत, 14 स्थानकांचा मार्ग
अलीकडच्या काळात शरद पवारांच्या राष्ट्रवादी काँग्रेसला राज्यभरातून अनेक धक्के बसत आहेत. विधानसभा निवडणुकीनंतर पक्षातील अनेक कार्यकर्ते, पदाधिकारी आणि काही दिग्गज नेते एकनाथ शिंदे यांच्या गटात किंवा इतर पक्षांमध्ये प्रवेश करत आहेत. ठाण्यातील सात माजी नगरसेवकांनी नुकताच शिंदे गटाचा झेंडा हाती घेतला होता, आणि आता अतुल देशमुखांसारखा स्थानिक प्रभावशाली नेता सोडून गेल्याने पवार गटासाठी परिस्थिती अधिक कठीण होण्याची शक्यता आहे.

विशेष म्हणजे, अमोल कोल्हे यांचे समर्थक म्हणून ओळखले जाणारे देशमुख हे स्थानिक निवडणुकीसाठी तयारी करत होते. आचारसंहिता लागू झाल्यानंतर अवघ्या काही तासांत त्यांनी निर्णय घेतल्याने पक्षातील अंतर्गत स्थिती आणि नाराजी किती खोलवर गेली आहे, याचे हे लक्षण मानले जात आहे. आता या राजकीय उलथापालथीनंतर उत्तर पुण्यातील सत्तासमीकरणे नव्याने आकार घेतील आणि राष्ट्रवादीच्या गोटात आणखी काही आश्चर्यकारक बदल घडू शकतात, अशी चर्चाही पुण्यातील राजकीय वर्तुळात सुरू आहे.