दौंड पोलिसांनी अज्ञात चालकाविरुद्ध गुन्हा दाखल केला आहे. या प्रकरणी अपघातातील मृत खंडू यांचे चुलत भाऊ संतोष बनसुडे (४०, रा. पळसदेव, ता. इंदापूर) यांनी दिलेल्या तक्रारीनुसार, खंडू स्वतः दुचाकी चालवत पुणे-सोलापूर लेनवर कुरकुंभ पुलावरून जात होते. त्यांच्या मागे मुलगा रुद्र बसला होता.

रुद्र पळसदेव येथे सीनियर केजीत शिकत होता. तो मावशीकडे हडपसरला दिवाळीच्या सुट्टीत राहायला गेला होता. सोमवारी शाळा सुरू होणार असल्याने रविवारी खंडू त्याला आणायला हडपसरला गेले. परत येताना विरुद्ध दिशेने येणाऱ्या कंटेनरने दुचाकीला समोरून धडक दिली. दुर्दैवाने याच अपघातात वडिलांचे आणि चिमुकल्या रुद्रचे जीवन संपुष्टात आले.
Powai Hostage Case : रोहित आर्य प्रकरणात पोलिसांनी फास आवळला, आरए स्टुडिओला गेलेल्या मराठी सेलिब्रिटींचीही चौकशी होणार
अपघातात खंडू आणि रुद्र यांना डोक्याला, हात-पायाला गंभीर जखमा झाल्या. दोघांचा घटनास्थळीच मृत्यू झाला. कंटेनरचालकाने जखमींना मदत न करता, पोलिसांना खबर न देता पळ काढला. दौंड पोलिस ठाण्यात भादवि आणि ‘मोटार व्हेइकल ॲक्ट’च्या कलमांनुसार गुन्हा दाखल करण्यात आला आहे. पुढील तपास सहायक पोलिस उपनिरीक्षक श्रीरंग शिंदे करीत आहेत. पोलिस महामार्गावर सीसीटीव्ही फूटेज तपासून आरोपीचा शोध घेत आहेत.
Pune Crime : आंदेकर टोळीचे नंबरकारी रडारवर! गणेश काळेचा काटा काढण्याचा प्लॅन 6 महिन्यापूर्वीच, पण आंबेगाव पठारला…
दुसरीकडे, निष्काळजीपणे आणि भरधाव कंटेनर चालवून दुचाकीला मागून धडक दिल्याने १८ वर्षीय तरुणाचा मृत्यू झाला. ही घटना सोमवारी सकाळी पावणेअकरा वाजण्याच्या सुमारास जुन्या मुंबई-पुणे महामार्गावर देहूगाव कमानीजवळ, देहूरोड येथे घडली. दक्ष दुर्गेश सोलंकी (वय १८) असे मृत्यू झालेल्या तरुणाचे नाव आहे. या प्रकरणी दुर्गेश सोलंकी (४०, कामशेत) यांनी देहूरोड पोलिस ठाण्यात फिर्याद दिली आहे. कंटेनरचालक कानाराम जीवराज जाट (रा. अजमेर, राजस्थान) याच्या विरोधात गुन्हा दाखल करण्यात आला आहे.