मनसे नेते राजू पाटील यांनी मुख्यमंत्री देवेंद्र फडणवीस यांचा इफ्तार पार्टीतला फोटो टाकत भाजपवर निशाणा साधला आहे.
‘भाजपचा आगरी-कोळी-भूमिपुत्र प्रेम फक्त निवडणुकीपुरतं’
“निवडणुका आल्या की आगरी-कोळी-भूमिपुत्र बांधव आठवतात, पण सत्ता मिळाल्यावर विसर पडतो. खरंच आमच्या बांधवांचा एवढाच पुळका आहे तर अजून नवी मुंबई आंतरराष्ट्रीय विमानतळाला लोकनेते दि. बा. पाटील साहेबांचे नाव का दिलं नाही हो?”, असा सवाल राजू पाटील यांनी केला. “२७ गावं कल्याण डोंबिवली महापालिकेतून वगळणार असे सांगून त्यावेळी संघर्ष समितीचे सदस्य भाजपाच्या तिकिटावर निवडून आणले, तसेच या गावांच्या विकासासाठी ६५०० कोटी रूपये निधी देऊ सांगितले. पण आजतागायत एक छदाम दिली नाही. तसेच २७ गावांच्या वेगळ्या नगरपालिकेचा विषय सर्वोच्च न्यायालयात सडवत ठेऊन आम्हा भूमिपुत्र बांधवांच्या तोंडाला तुम्ही पानंच पुसलीना?”, असादेखील सवाल राजू पाटील यांनी केला.ज्या मतदारांची नावं सांगितली आहेत त्यांचा पुनरूच्चार करून कदाचित तुम्हाला तुमच्याच मंत्र्याला अडचणीत आणायचे, त्यांच्या मंत्रिपदावर डोळा ठेवण्याचे तर तुमच्या मनात नाही ना? असो, तुमचे राजकारण तुम्हाला ठाऊक! दुबार मतदार यादीत पांडे, देशपांडे, पठाण असो की पाटील असो, ती वगळा ही आमची भूमिका आहे. परंतु आगरी-कोळी समाजाच्या भावनांशी खेळणं, त्यांच्या संघर्षाचा फायदा घेणं हीच भाजपची राजकीय सवय बनली आहे. निवडणुकीत मतांची गरज असेल तेव्हा आपले बांधव, आणि निवडून आल्यावर कोण बांधव? अशीच तुमची भूमिका”, अशी टीका राजू पाटील यांनी केली आहे.
जिल्हा परिषद निवडणुकीला वेग, अंतिम आरक्षण जाहीर, उमेदवारांच्या हालचालींना गती
‘दुबार मतदान झालंय हे भाजपाने अखेर मान्य केलंच’
“मतदार याद्यांतील घोळ, नावं गायब होणं, दुबार नोंदी आणि मतचोरीचे आरोप यावर भाजपची तळमळ आता उघडपणे दिसू लागली आहे. निवडणूक आयोगावरील आरोप सुरू होताच भाजपची झोप उडाली, आणि नेहमीप्रमाणे हिंदू-मुस्लिम कार्ड खेळून मुद्दा वळवायचा प्रयत्न सुरू झाला आहे. पण गंमत बघा शेलार यांच्या वक्तव्याने स्वतःच मान्य केलं की मविआ आणि मनसेच्या दुबार मतदारांबाबत भाजपलाच सगळं माहीत होतं. म्हणजेच घोळ कुणी घातला आणि फायदा कुणाला झाला, हे आता लपवणं शक्यच नाही”, असं राजू पाटील म्हणाले.बीडमध्ये पुन्हा मुंडे विरुद्ध मुंडे लढत? महायुतीला तडा जाणार? पडद्यामागच्या घडामोडींनी सस्पेन्स वाढवला
“भ्रष्टाचारावर बोट ठेवलं की भाजप चिडतो, कारण बोट जिथे ठेवतो तिथे भाजपच सापडतो. जनतेच्या प्रश्नांना उत्तर द्यायचं नाही, उलट दिशाभूल करायची हीच त्यांची सोयीची पद्धत आहे. भाजपचा हा थयथयाट म्हणजे सत्याचा मुखवटा फाडून स्वतःचं कुरूप चेहरा दाखवणं”, अशी टीका राजू पाटील यांनी केली. “बाकी मायबाप जनता सुजाण आहेच. त्यामुळे येणाऱ्या निवडणुकीत तुम्हाला तुमची जागा नक्की दाखवेल”, असंदेखील राजू पाटील म्हणाले.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा