शहरातील मुकुंदवाडी भागामध्ये राहणारी १६ वर्षांची पूजा (नाव काल्पनिक आहे) ही शालेय शिक्षण घेते. तिचे वडील खाजगी नोकरी करून घराचा उदरनिर्वाह भागवतात. पूजाने आईच्या मोबाईल वरून स्वतःचे इंस्टाग्राम अकाउंट उघडलं. यावरून तिची ओळख गुजरातच्या आकाश याच्यासोबत झाली. आकाशची सोशल मीडियाची प्रोफाइल बघून ती आकाशच्या प्रेमात पडली. प्लॅन करून पूजाने ६ जानेवारी २०२४ रोजी रात्री घरातून पळ काढत ट्रॅव्हल्सने गुजरात गाठलं.
Crime News : आई आजारी, डोक्यावर कर्जाचा डोंगर; ‘क्राइम पेट्रोल’ पाहून शिंदे पितापुत्राने रचला 27 लाखांच्या लुटीचा बनाव, एका संशयाने…
इंस्टाग्रामवर प्रभावित करणाऱ्या आकाश प्रत्यक्षात समोर आल्यावर पूजाला वास्तव कळालं. गुजरात येथील सुरत मध्ये तो स्वतः एका कंपनीत ऑफिस बॉय होता. तर त्याच परिसरामध्ये एका चाळीत त्याचं घर होतं. त्याच्या आई-वडिलांचे निधन झालेलं होतं. हे बघितल्यानंतर ही पूजाने प्रेमाखातर त्याच्यासोबत राहण्याचा निर्णय घेतला. दीड वर्षापासून पोलीस पूजाचा शोध घेत होते. कुटुंबाची आठवण झाल्यानंतर पूजाने इंस्टाग्राम वरून भावाला संपर्क साधला. भावांनी ही बाब पोलिसांना कळवली. दोघे शहरात येणार असल्याचे माहिती मिळताच पोलिसांनी प्रियकर आकाश याला अटक केली तर मुलीला पालकांच्या स्वाधीन केलं आहे.
छत्रपती संभाजीनगर महापालिकेच्या पहिल्या निवडणुकीचा किस्सा, भाजपचे शून्य, शिवसेनेचे सर्वाधिक नगरसेवक, पण महापौर दुसराच, काय घडलेलं?
दरम्यान, या घटनेमुळे पुन्हा एकदा सोशल मीडियावरील आभासी नात्यांच्या धोक्याचा मुद्दा समोर आला आहे. अल्पवयीन मुलं-मुली ऑनलाइन ओळखींच्या आहारी जाऊन वास्तव विसरत आहेत. पालकांनी मुलांच्या मोबाईल वापरावर लक्ष ठेवून त्यांच्या मानसिक आणि सामाजिक सुरक्षिततेची काळजी घेणे अत्यावश्यक ठरले आहे.