यानंतर अनुप मोरे यांच्यावर सर्वच स्तरातून जोरदार टीका होत होती. त्यामुळे अनुप मोरे यांनी थेट आता भाजपचे प्रदेशाध्यक्ष रवींद्र चव्हाण यांच्याकडे राजीनामा सुपूर्द केला आहे. गेले काही दिवसांपासून माझ्यावर खोटे आरोप केले जातात. माझी नाहक बदनामी करण्याचा प्रयत्न केला जात आहे. माझ्यामुळे आपल्या पक्षाची प्रतिमा मलिन होऊ शकते. माझे आई, वडील माझे कुटुंब आणि मी गेली ४० वर्षांपासून भारतीय जनता पक्षाचे काम प्रामाणिकपणे अविरत काम करत आहे. बुथ अध्यक्ष ते भारतीय जनता युवा मोर्चा प्रदेशाध्यक्ष पर्यंत पोहोचण्यासाठी पक्षाने माझ्यावर विश्वास टाकला. आमचा परिवार सदैव भारतीय जनता पक्षासोबत आहे आणि यापुढे देखील असेल. भारतीय जनता पक्षाची प्रतिमा माझ्यामुळे मलीन होऊ नये म्हणून मी राजीनामा देत असल्याचं अनुप मोरे यांनी राजीनामा पत्रामध्ये म्हटलं आहे.
Vinay Sahasrabuddhe : एशियाटिक सोसायटी ऑफ मुंबईच्या अध्यक्षपदाची निवडणूक, कुमार केतकरांसमोर भाजपच्या तगड्या नेत्याचं आव्हान
दरम्यान, २६ ऑक्टोबर रोजी दुपारी सुमारास पीडित महिला ओळखीच्या व्यक्तीला भेटण्यासाठी चिंचवड येथे गेल्या असता काही संशयितांनी त्यांना अडवले. ‘आमचा दादा अनुप मोरे येथे असताना तू इथे का आलीस? तुला जिवंत ठेवणार नाही. तुला गाडीखाली घालून संपवू. अनुप मोरेने तुला संपवायचे सांगितले आहे. तुला बदनाम करून जगणे अवघड करू,’ अशा धमक्या त्या टोळक्याने दिल्या, असे तक्रारदार महिलेच्या फिर्यादीत नमूद आहे.
Powai studio Hostage Case : रोहितने आडनाव बदलून ‘आर्य’ लावलं, कोथरुडमध्ये वृद्ध आई-वडील राहतात, शेजारी म्हणाले, आम्ही भेटलेलो तेव्हा तो…
या घटनेनंतर अनेक राजकीय प्रतिक्रिया देखील उमटल्या होत्या राष्ट्रवादी काँग्रेसच्या खासदार सुप्रिया सुळे यांनी सुद्धा अनुप मोरे यांचा समाचार घेतला होता. ‘पिंपरी-चिंचवड परिसरात एका महिलेला सत्ताधारी पक्षाच्या एका नेत्याच्या समर्थकांनी पोलीस स्टेशनमध्ये मारहाण केल्याची घटना उघडकीस आली आहे. मारहाण झालेली महिला देखील त्याच पक्षाची पदाधिकारी आहे. सदर घटना समोर घडली होती तरी देखील तिची तक्रार नोंदवून घेण्यासाठी पोलीसांनी ८ ते ९ तास घेतले. यंत्रणा सत्ताधारी पक्षाच्या नेत्यांशी संबंधित गुन्ह्यात कशा पद्धतीने वागते आणि महिलांना कशा पद्धतीने वागणूक देते याची ही घटना मूर्तीमंत उदाहरण आहे. जर या राज्यात सत्ताधारी पक्षाच्या महिला देखील सुरक्षित नसतील आणि त्यांना न्याय मिळविण्यासाठी झगडावे लागत असेल तर राज्यातील कायदा सुव्यवस्था अतिशय गंभीर आहे असे स्पष्ट दिसते.’ असं सुप्रिया सुळे यांनी म्हंटल होतं तर मोरे यांच्या विरोधात अनेक आंदोलन देखील झाली होती. त्यामुळे वाढता राजकीय दबाव पाहता अनुप मोरे यांनी राजीनामा दिला आहे.