आश्रम शाळेत शिकणारा प्रशांत चाबुकस्वार हा बुधवारी दुपारी आंदेवाडी बु ते आंदेवाडी येथे मामाला जेवणाचा डबा देऊन गावाकडे परत येत होता. यावेळी दोन्ही गावांच्या मधोमध असलेला हेब्बळ ओढा ओलांडून येत असताना अचानक मुलाचा पाय घसरून तो पडला आणि ओढ्यातून वाहून गेला आहे.
Virar Boy Drown : पोहताना नाका-तोंडात पाणी, वसईत साडेतीन वर्षांचा ध्रुव स्विमिंग पूलमध्ये बुडाला, आईच्या डोळ्यांदेखतच…

आजही अनेक ओढ्यांत भरपूर पाणी

सप्टेंबर महिन्यात झालेल्या अतिवृष्टीमुळे अक्कलकोट तालुक्यातील अनेक गावात आजही अनेक ओढे तुडुंब भरून वाहत आहेत. प्रशांत चाबुकस्वार या शाळकरी मुलाचा हेब्बळ ओढ्यात पडून मृत्यू झाला आहे. अक्कलकोट तालुक्यात शिरवळ, आंदेवाडी पूरग्रस्त भागात मोठ्या प्रमाणात पाणी वाहत आहे. या तुडुंब भरलेल्या ओढ्यावरुन येताना दुर्दैवी घटना घडली. मामाचा जेवणाचा डबा देऊन परत येताना प्रशांत चाबुकस्वार हा शाळकरी विद्यार्थी पाय घसरून ओढ्यात पडला होता. पाण्याचा प्रवाह मोठा असल्याने शाळकरी विद्यार्थी वाहून गेला.
Banglore Accident : डिलिव्हरी बॉयच्या स्कूटरचा कट, कारमधील दाम्पत्याचा पारा चढला, पाठलाग करुन जीव घेतला, CCTV ने भयंकर उलगडा

ओढ्यात कपडे धुणाऱ्या महिलेला मुलगा वाहून जाताना दिसला

अक्कलकोट तालुक्यातील आंदेवाडी येथे राहणाऱ्या महिला शायब्बी मुजावर या ओढ्यात कपडे धुवत होत्या. आश्रम शाळेत शिक्षण घेणारा प्रशांत चाबुकस्वार हा ओढ्यात वाहून जाताना शायबी मुजावर या महिलेने पाहिलं. ताबडतोब त्यांनी आरडाओरडा करत इतर नागरिकांना मुलगा वाहून जात असल्याची माहिती दिली. शेजारील आजूबाजुच्या गावचे नागरिक जमा झाले. तात्काळ शोध मोहीम सुरू केली.

मदत कार्यासाठी पोलीस पाटील सविता येळमेली, तुळजाराम कामाठी, तसंच शोध पथकामध्ये परमेश्वर वेळमेली, सिध्दाराम वेळमेली, धोंडप्पा वेळमेळी, इरणा कामाठी, अंबाणा कामाठी, यांच्यासह दोन्ही गावातील ग्रामस्थांनी अनेक प्रयत्न केले. अखेर अनेक तासांच्या प्रयत्नानंतर प्रशांत चाबुकस्वार या मुलाचा मृतदेह सापडला. घटनास्थळी तलाठी अजित तेरदाळ, पोलीस मियावाले, पोलीस हवालदार अजिंक्य बिराजदार, कोतवाल काशिनाथ माने आदींनी भेट दिली.