छत्रपती संभाजीनगर (पूर्वीच औरंगाबाद) शहरासाठी 1936 मध्ये नगर परिषदेची स्थापना करण्यात आली होती. त्यानंतर शहराची लोकसंख्या आणि वाढता विकास यावरून 9 डिसेंबर 1982 रोजी नगर परिषदेचं रूपांतर महानगरपालिकेत करण्यात आलं. महानगरपालिका स्थापन झाल्यापासून 1982 ते 1987 या सुरुवातीचे 5 वर्ष प्रशासक नेमून महानगरपालिकेचा कारभार चालवण्यात आला.

महापालिकेच्या स्थापनेनंतर 1988 मध्ये पहिली निवडणूक पार पडली. या निवडणुकीमध्ये भारतीय राष्ट्रीय काँग्रेस, शिवसेना, भारतीय जनता पार्टी, मुस्लिम लीग, अपक्ष आणि छोटे-मोठे पक्षांनी निवडणुकीत सहभाग नोंदवला. या निवडणुकीमध्ये शिवसेनेला भरभरून यश मिळालं. पहिल्याच निवडणुकीत तब्बल 27 नगरसेवक निवडून आले. दिवंगत शिवसेनाप्रमुख बाळासाहेब ठाकरे यांच्या नेतृत्वात मुंबई, ठाण्यानंतर छत्रपती संभाजीनगर महानगरपालिकेत शिवसेनेला हे मोठे यश होतं.
सरकारचं टेन्शन वाढवणारी मोठी बातमी, बच्चू कडूंच्या आंदोलनात आता मनोज जरांगेंची एन्ट्री, मुख्यमंत्री उद्या कर्जमाफीचा निर्णय घेणार?
शिवसेना पाठोपाठ भारतीय काँग्रेस पार्टीचे 15 नगरसेवक, मुस्लिम लीगचे 10, अपक्ष इतर छोटे मोठे मिळून 8 नगरसेवक असे 60 नगरसेवक निवडून आले. आश्चर्याची बाब म्हणजे पहिल्या निवडणुकीत भाजपला भोपळाही फोडता आला नव्हता.
फलटण प्रकरणात सर्वात मोठा ट्विस्ट, डॉक्टर तरुणीसोबत काय घडलं? सुषमा अंधारेंचे विचारात पाडणारे दावे
शिवसेनेचे सर्वाधिक नगरसेवक असतानाही शिवसेनेला महापौर पदापासून दूर राहावे लागले होते. भारतीय राष्ट्रीय काँग्रेस, मुस्लिम लीग आणि काही अपक्ष मिळून काँग्रेसने महापौर पदाचा दावा केला. यात काँग्रेसकडून क्रांती चौक वार्डातून निवडून आलेले नगरसेवक डॉ. शांताराम यशवंतराव काळे यांचं नाव महापौर पदासाठी सुचवण्यात आलं. यामुळे छत्रपती संभाजीनगर महानगरपालिकेचे पहिले महापौर डॉ. शांताराम यशवंतराव काळे झाले होते.