शेतकऱ्यांना फसवे आश्वासन दिले. शेतकऱ्यांना कर्जमाफी करत नसल्यामुळे चिडलेल्या शेतकऱ्याने गाडी फोडली असल्याचे सांगितले. तो एवढ्यावरच थांबला नाही तर माझा जीव जरी या सरकारने घेतला तरी मी द्यायला तयार असल्याचेही तो म्हणाला.

संतोष रावण पैके (राहणार साठोरी तालुका पालम जिल्हा परभणी) असे या शेतकऱ्याचे नाव आहे. त्याला आता पोलिसांनी ताब्यात घेतले आहे. पोलिसांनी ताब्यात घेतल्यानंतर या शेतकऱ्याला प्रचंड मारहाण करण्यात आली. मारहाण झाल्यानंतर शेतकऱ्यांनी पत्रकारांना सबंध प्रकार सांगितला. “एकीकडे राज्यांमध्ये संपूर्ण कर्जमाफी व्हावी यासाठी आंदोलन चालू आहेत. पण दुसरीकडे मात्र राज्य सरकार याकडे गांभीर्याने पाहत नाही. अतिवृष्टीमुळे खरिपाचे पीक शेतकऱ्यांच्या हातातून गेले आहे. रब्बीची पेरणी कशी करावी? हा प्रश्न शेतकऱ्यांसमोर पडला आहे. डोक्यावर कर्जाचा ओझं आहे. अशा परिस्थितीत सरकार केवळ शेतकऱ्यांना खोटे आश्वासन देत आहे”, अशी टीका शेतकऱ्याने केली.

“मी कोणत्याच पक्षाचा नाही. मी भाजपला मतदान केलं आहे. मी काँग्रेसला मतदान केलं आहे. माझा आणि पक्षाचा काहीही संबंध नाही. मी शेतकरी आहे आणि शेतकऱ्यावर होत असलेला अन्याय मला सहन झाला नाही. बच्चू कडू हे नागपूर येथे प्रचंड मोठे आंदोलन करत आहेत. पण सरकार त्यांची दखल घेताना दिसत नाही. जिल्हा प्रशासन देखील याबाबतीत बेजबाबदारपणाने वागत असल्याचे दिसून येत आहे. त्यामुळेच मला राग सहन झाला नाही म्हणून मी जिल्हाधिकाऱ्यांची गाडी फोडली. ही जिल्हाधिकाऱ्यांची गाडी म्हणून फोडली नाही तर मी सरकारची आणि मंत्र्याची गाडी म्हणून फोडली आहे”, असेही या शेतकऱ्याने सांगितले.
सुषमा अंधारे यांनी थेट पुरावे दाखवले, रणजितसिंह नाईक निंबाळकर यांच्याविरोधात स्फोटक पत्रकार परिषद
संतोष पैके एवढ्यावर थांबले नाहीत तर ते म्हणाले की, मला या सरकारने गोळ्या घातल्या तरी मी मागे हटणार नाही. शेतकऱ्यांच्या हितासाठी आणि शेतकऱ्यांच्या हक्कासाठी यापुढे आणखीन तीव्र आंदोलन करणार असल्याचे त्यांनी स्पष्ट केले. पण एकंदरीतच थेट जिल्हाधिकाऱ्यांची गाडी फोडून या शेतकऱ्याने शेतकऱ्यांचा आक्रोश राज्य सरकारपर्यंत पोहोचण्याचा प्रयत्न केला आहे. त्यामुळे राज्य सरकारने याकडे गांभीर्याने पाहावे, असेच आता सर्वत्र चर्चिले जात आहे.