Satara Crime: सातारा जिल्ह्यातील फलटण येथे एका डॉक्टर तरुणीने आत्महत्या केली. सुसाईड नोटमधून तिने आपल्यावर चार वेळा बलात्कार झाल्याचा आरोप केला होता. या प्रकरणी राज्य महिला आयोगाच्या अध्यक्षा रुपाली चाकणकर यांनी पोलीस तपासाची माहिती दिली. आरोपींचे सीडीआर काढण्यात आल्याचं त्यांनी सांगितलं.
पोलीस तपासाबाबत माहिती देताना रुपाली चाकणकर या फलटण येथील पत्रकार परिषदेत म्हणाल्या की, “सुसाईड नोटमध्ये गोपाळ बदने आणि प्रशांत बनकर यांची नावं आहेत. पोलिसांनी फोनचे सीडीआर काढले आहेत. यामध्ये जानेवारी ते मार्चपर्यंत डॉक्टर तरुणीचं गोपाळ बदने याच्याशी कम्युनिकेशन असून यानंतर प्रशांत बनकर याच्याशी कम्युनिकेशन आहे,” असं चाकणकर यांनी सांगितलं आहे.
“लोकेशन एकत्र होते का, हे तपासले जाणार”
“सीडीआरमधून वेगवेगळी माहिती समोर येत आहे, फॉरेन्सिक रिपोर्टही येईल. पोस्ट मॉर्टम रिपोर्ट आजच द्यावा, अशा सूचना वैद्यकीय विभागाला देण्यात आल्या आहेत. प्राथमिक पोस्ट मॉर्टम अहवालातून हा आत्महत्येचा प्रयत्न असल्याची माहिती समोर आलेलीच आहे. तरुणीने बलात्काराचा आरोप केला आहे. जानेवारी ते मार्च या कालावधीत गोपाळ बदने आणि डॉक्टर तरुणी संपर्कात होते. या कालावधीत दोघांचे लोकेशन कुठे एकत्र आहे का, हे तपासले जात आहे. तसंच पोलीस कोठडीत असलेल्या बदनेचीही पोलीस चौकशी करत असून याबाबतचा तपास केला जात आहे,” अशी माहिती रुपाली चाकणकर यांनी दिली आहे.
दरम्यान, पोस्ट मॉर्टम रिपोर्टमध्ये नेमकी काय माहिती समोर येते आणि पोलीस कोठडीत असलेल्या आरोपींच्या चौकशीत नेमके काय धागेदोरे उलगडले जातात, हे पाहणं महत्त्वाचं ठरणार आहे.
लेखकाबद्दलअक्षय शितोळेअक्षय शितोळे | २०१८ पासून डिजिटल मीडियात कार्यरत असून सध्या मटा ऑनलाइनमध्ये प्रिन्सिपल डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील रिपोर्टर्ससोबत समन्वय साधण्याचेही काम करत आहे. राजकीय बातम्यांमध्ये विशेष रस, बातम्यांमागची बातमी अर्थात घडामोडींचा विश्लेषणात्मक आढावा घेण्याचा सातत्याने प्रयत्न असतो. शेती आणि ग्रामीण जीवन हे जिव्हाळ्याचे विषय आहेत. यापूर्वी लोकमत, न्यूज १८ लोकमत आणि एबीपी माझा या संस्थांमध्येही कामाचा अनुभव असून मुंबईतील रूईया महाविद्यालयातून पत्रकारितेत पदवी प्राप्त केली आहे.… आणखी वाचा