जैन बोर्डिंगचा व्यवहार रद्द होण्याच्या दृष्टीने एक महत्त्वाचं पाऊल पडल आहे. यामध्ये रवींद्र धंगेकर यांनी थेट मुरलीधर मोहोळ यांचं नाव घेत गंभीर आरोप केले होते. त्यामुळे पुण्यातील महायुतीमध्ये बेबनाव असल्याचं स्पष्ट झालं होतं. आता या गोखले बिल्डर कडून व्यवहारातून माघार घेतल्यानंतर रवींद्र धंगेकर यांनी यासंदर्भात प्रतिक्रिया दिली आहे. मला एकनाथ शिंदे यांनी दोन दिवस शांत राहण्याचा सल्ला दिला होता तर दोन दिवसात मी याच्यावर तोडगा काढतो, असं आश्वासन सुद्धा शिंदे यांनी मला दिलं होतं असं रवींद्र धंगेकर यांनी म्हटलं आहे.
Pune Jain Boarding Case : पुण्यातील जैन बोर्डिंग ट्रस्ट जागेच्या गैरव्यवहार प्रकरणात ट्विस्ट, बिल्डरने रात्री मेल करत… काय घडलं?
याविषयी बोलताना धंगेकर म्हणाले, ‘या आंदोलनाचं यश जैन मुनी, जैन संघटना आणि मोठ्या संख्येने मागे उभे राहिलेल्या पुणेकरांच आहे. पुणे शहर हे विद्येचे माहेरघर आहे. पुणे शहरात अनेक मान्यवरांनी रक्ताचे पाणी करून या संस्था उभे केल्यात, जगाला दिशा देण्याचे काम या पुण्याने केल आहे. त्याच विद्येच्या माहेरघरात काही राजकीय नेते बिल्डरला हाताशी धरून एखादी संस्था कशी मोडीत काढायची हा प्रयत्न करत असताना सगळ्या पुणेकरांचा आवाज आज दिसला आणि त्यामुळेच गोखले यांनी आज मेल केला.’
अन्यायविरोधात लढणारा कार्यकर्ता, एकनाथ शिंदेंकडून धंगेकरांची पाठराखण; पण पत्रकाराच्या ‘त्या’ प्रश्नावर भडकले, म्हणाले…
परंतु, ‘तो व्यवहार आणखी रद्द झालेला नाही. ज्या गतिमान पद्धतीने हा व्यवहार झाला त्याच गतिमान पद्धतीने हा व्यवहार रद्द होऊ शकतो जर दोन्ही लोक एकत्र आले तर मध्यरात्री सुद्धा रजिस्टराला उठवून कोणत्याही ऑफिसमध्ये बसून हे काम होऊ शकत. शेवटी मुरलीधर मोहोळ केंद्रीय मंत्री आहेत ते काहीही करू शकतात.’ असं देखील धंगेकर म्हणालेत.
जैन बोर्डिंग प्रकरणी रवींद्र धंगेकरांचं थेट पंतप्रधान मोदींना पत्र; 27 ऑक्टोबरपासून धरणे आंदोलन करणार, पत्रामध्ये आणखी काय?
दरम्यान, ‘मला एकनाथ शिंदे साहेबांनी सक्त ताकीद दिली होती दोन दिवस तुम्ही काही बोलू नका, दोन दिवसात यामध्ये तोडगा निघेल मी त्यासाठी प्रयत्न करत आहे. आळंदीत माऊलींच्या मंदिरामध्ये त्यांनी मला शब्द दिला दोन दिवसांत हा व्यवहार मी तुम्हाला रद्द करून देतो तोपर्यंत तुम्ही काही बोलू नका. त्यामुळे त्यांनी सांगितल्यापासून माझं ट्विटर युद्ध बंद झालं.’ असं धंगेकर यांनी स्पष्ट केले आहे. मात्र दुसरीकडे, त्यांची इच्छा हे प्रकरण मिटवायचं नसेल तर माझ्याकडे अजून हातभर कागदं आहेत. गोखले बिल्डर, बढेकर आणि मुरलीधर मोहोळ यांना मी रोज हे कागद पाठवत जाईल आणि त्यांनी त्याचे खुलासे करत रहावे. मी आता आरोप करणार नाही तर थेट कागद दाखवून खुलासे विचारणार आहे. विशाल गोखलेने मंत्रीपदाचा किती फायदा घेतला हे देखील पुणेकरांना देखील कळेल, असा इशारा सुद्धा रवींद्र धंगेकर यांनी दिला आहे.

पण शिंदे साहेबांनी सांगितलं की दोन दिवस तू काय बोलू नको त्यामुळे तात्पुरती आमची लढाई आता संपलेली आहे. गेल्या 15 दिवसांत माझ्या माझ्या अंगावर मुघलांची टीम आली होती. वक्फ बोर्डाच्या जागेची त्यांना काळजी पडली होती त्या मुघलांना पुणेकरांनी थोपवलेल आहे. शिंदे साहेबांच्या वाणीतून जो शब्द निघाला तो खरा ठरला यासाठी शिंदे साहेबांना खरंच मनापासून धन्यवाद देईल, असं देखील धंगेकर म्हणालेत.