सहा जणांचा समावेश

या टोळीचा मुख्य म्होरक्या सलमान राजू नदाफ (वय 25, परीट गल्ली, गावभाग) असून, अन्य सदस्यांमध्ये अविनाश विजय पडीयार (वय 19), अरसलान यासीन सय्यद (वय 19), यश संदीप भिसे (वय 19), रोहित शंकर आसाल (वय 19) आणि अनिकेत विजय पोवार (वय 22) यांचा समावेश आहे. या टोळी विरोधात खुनाचा प्रयत्न, जबरी चोरी, खंडणी वसुली, शस्त्रास्त्रासह गर्दीत मारहाण, बंदी आदेशाचा भंग असे गंभीर गुन्हे दाखल आहेत.पुण्यात बहिणीला व्हिडिओ कॉल करत भावाने मृत्यूला कवटाळले; मी आता जातो, पण…; बायकोबद्दल काय म्हणाला ?

फटाक्याच्या वादातून दहशत

15 जुलै रोजी एका ब्युटी पार्लरसमोर फटाके फोडत असताना वाद निर्माण झाला. त्यावरून सलमान नदाफ आणि गँगने दहशत दाखवत पार्लरची तोडफोड केली. याबाबत गावभाग पोलीस ठाण्यात गुन्हा दाखल करण्यात आला होता. पोलिस अधीक्षक योगेश कुमार यांनी घटनेचं गांभीर्य लक्षात घेऊन, अपर पोलिस अधीक्षक आण्णासाहेब जाधव आणि उपविभागीय अधिकारी विक्रांत गायकवाड यांना तत्काळ कारवाईचे आदेश दिले.

मोक्का अंतर्गत मंजुरी

पोलीस निरीक्षक महेश चव्हाण यांनी गँगच्या गुन्हेगारी पार्श्वभूमीचा सखोल तपास केला. त्यावर आधार घेत मोक्का कारवाईचा प्रस्ताव वरिष्ठांकडे पाठवण्यात आला. या प्रस्तावास विशेष पोलिस महानिरीक्षक सुनील फुलारी यांनी मंजुरी दिली आहे. यासोबतच पुढील तपासासाठी विक्रांत गायकवाड यांच्या टीमकडे हे प्रकरण सोपवण्यात आले आहे.

या कारवाईमुळे इचलकरंजी शहरातील गुन्हेगारी टोळ्यांना साप बसण्यास मदत होणार आहे. स्थानिक पोलिस दल आणि गुन्हे अन्वेषण शाखेच्या या कामगिरीमुळे नागरिकांमधून समाधान व्यक्त केले जात आहे. तसेच पोलिसांनी पुढे येऊन गुन्हेगारीविरोधात तक्रार दाखल करण्याचेही आवाहन केले आहे. दरम्यान ही कठोर कारवाई वेळीच घडल्याने परिसरात वाढत्या गुन्हेगारीवर नियंत्रण मिळण्यास मदत होईल, असा विश्वासही पोलिसांनी व्यक्त केला आहे.