मृत महिलेचं नाव संगिता नामदेव म्हात्रे (वय ५५, रा. कुंडेवहाळ) असं असून त्या घरी एकट्याच राहायच्या. घटनेच्या दिवशी दुपारी काही वेळ त्या घरात एकट्याच होत्या. त्याचवेळी अज्ञात चोरटा चोरीच्या उद्देशाने घरात शिरला. महिलेने प्रतिकार करण्याचा प्रयत्न केला असता आरोपीने त्यांचा गळा दाबून ठार मारले आणि घरातील सोन्याची चेन, मंगळसूत्र, अंगठ्या आणि कानातले अशा जवळपास १ लाख ५५ हजार रुपयांच्या किमतीचे दागिने घेऊन पसार झाला.
Beed News: ‘मला पक्षाची सत्ता आणायची आहे, मी जरांगे पाटील यांच्या…’; पंकजा मुंडे नेमकं काय म्हणाल्या?
घटनेची माहिती मिळताच पनवेल शहर पोलिस ठाण्याचे अधिकारी घटनास्थळी दाखल झाले. त्यांनी पंचनामा करून मृतदेह शवविच्छेदनासाठी पाठवला आणि हत्या व चोरीचा गुन्हा दाखल केला. पोलिसांनी परिसरातील सीसीटीव्ही फुटेज तपासण्यास सुरुवात केली असून, काही संशयितांना चौकशीसाठी ताब्यात घेतल्याची माहिती समोर आली आहे. फॉरेन्सिक पथकाने घटनास्थळी तपास करून काही महत्त्वाचे ठसे जप्त केले आहेत. प्राथमिक तपासात पोलिसांना असा संशय आहे की, आरोपी महिलेच्या घरातील हालचालींशी परिचित होता. त्यामुळे हा गुन्हा पूर्वनियोजित असल्याची शक्यता व्यक्त केली जात आहे.

या घटनेमुळे कुंडेवहाळ गावात दहशतीचे वातावरण पसरले आहे. परिसरातील नागरिक विशेषतः महिलांमध्ये भीतीचे वातावरण आहे. स्थानिकांनी पोलिसांकडे रात्रीच्या वेळी गस्त वाढविण्याची मागणी केली आहे. पनवेल पोलिसांनी या खुनामागील आरोपीचा शोध घेण्यासाठी विशेष तपास पथक स्थापन केले आहे. पोलिसांचे म्हणणे आहे की, “आमच्याकडे काही ठोस धागेदोरे मिळाले आहेत. आरोपी लवकरच आमच्या ताब्यात येईल.”

सोन्याच्या मोहात एका निष्पाप महिलेचा जीव घेतल्याची ही दुर्दैवी घटना पुन्हा एकदा दाखवून देते की लोभ किती भयावह असू शकतो. या घटनेनंतर परिसरात शोककळा पसरली असून, नागरिकांकडून गुन्हेगाराला कठोर शिक्षा देण्याची मागणी होत आहे.