महिला डॉक्टरने आपल्या आयुष्याची अखेर करण्यापूर्वी लिहिलेल्या सुसाईड नोटमध्ये तिच्यावर अत्याचार आणि मानसिक छळ झाल्याचा आरोप केला आहे. याप्रकरणी तिने दोन पोलिसांचं नावही लिहिलं आहे.

माझ्यावर अत्याचार झाला, असा मजकूर या मृत महिला डॉक्टरच्या हातावर लिहिलेला आढळून आला आहे. त्याशिवाय तिच्या हातावर पोलीस निरीक्षक गोपाल बदने यांचं नाव लिहिलेलं आहे.
Satara News: माझ्यावर अन्याय होत आहे… साताऱ्यात महिला डॉक्टरने आयुष्य संपवलं, फलटण उपजिल्हा रुग्णालयात शोककळा
माझ्या मरण्याचं कारण पोलीस निरीक्षक गोपाल बदने असून त्याने माझ्यावर चारवेळा अत्याचार केल्याचं या महिला डॉक्टरने आपल्या हातावर लिहिलं आहे. त्याशिवाय प्रसाद बनकरने मानसिक आणि शारीरिक त्रास दिल्याचंही लिहिलेलं आहे. या धक्कादायक माहितीनंतर आरोग्य विभाग आणि पोलीस विभागात एकच खळबळ माजली आहे.

याप्रकरणी मिळालेल्या माहितीनुसार, या महिला डॉक्टर गेल्या काही दिवसांपासून पोलीस आणि आरोग्य विभागाच्या वादात अडकल्या होत्या. वैद्यकीय तपासणीसंदर्भातील वादातून त्यांच्यावर चौकशी सुरु होती. त्यामुळे त्या खूप मानसिक तणावात होत्या. त्यांनी वारंवार वरिष्ठांकडे याबाबत तक्रार केली होती. माझ्यावर अन्याय होत आहे, मी आयुष्याची अखेर करेन, असं ती वारंवार तक्रार करत होती. मात्र, तिच्या तक्रारीची योग्य ती दखल घेतली गेली नाही. अखरे तिने गुरुवारी (23 ऑक्टोबर) रात्रीच्या सुमारास आपल्या आयुष्याची अखेर केली. या घटनेने रुग्णालय प्रशासनातही गोंधळ माजला आहे.

फलटण येथील उपजिल्हा रुग्णालयात कार्यरत असलेल्या मूळच्या बीड जिल्ह्यातील या महिला डॉक्टरने शहरातील एका नामांकित हॉटेलमध्ये आपल्या आयुष्याची अखेर केली. फलटण पोलिसांत कार्यरत असलेले पोलीस उपनिरीक्षक गोपाल बदनेने 4 वेळा बलात्कार केला आणि हवालदार प्रशांत बनकर ने मानसिक त्रास दिला असल्याचे डॉक्टरने स्वतःच्या हातावर लिहिलं आहे. सदर महिला डॉक्टर या फलटण उपजिल्हा रुग्णालयात वैद्यकीय अधिकारी म्हणून सेवा बजावत होत्या. त्या मूळच्या बीड जिल्ह्यातील होत्या. शहरातील एका प्रतिष्ठित हॉटेलमध्ये त्यांनी आपले जीवन संपवले. ही घटना कधी आणि नेमकी कशी उघडकीस आली, याबाबतचा तपशील पोलीस तपासात समोर येईल.

मिळालेल्या माहितीनुसार, संबंधित महिला डॉक्टर अविवाहित होत्या. त्या फलटण शहरातील विद्यानगर परिसरात पेईंग गेस्ट म्हणून राहत होत्या.