नेमकं काय घडलं?

दिवाळी पाडव्याच्या दिवशी सकाळी काही नागरिकांना गावच्या वेशीवर स्वागत कमानीच्या अगदी खाली रस्त्याच्या मधोमध काही गोष्टी ठेवल्याचे निदर्शनास आले. यामध्ये केळीचे झाड, त्या पुढे मांडलेली काही केळी आणि त्याच्या पुढे पांढऱ्या कापडावर जनावराचं काळीज, लिंबू, त्यावर कुंकू-गुलाल टाकले होते. बघता बघता ही घटना वाऱ्यासारखी पंचक्रोशीत पसरली.

मुंबई-पुणे एक्सप्रेसवेवर प्रवास होणार जलद! 10 पदरी सुपर हायवेचा प्रस्ताव मंजूर; जाणून घ्या कधी होणार काम पूर्ण

सीसीटीव्ही कॅमेऱ्याच्या आधारे तपास..

याबाबत माहिती मिळताच हुपरी पोलिसांनी घटनास्थळी त्वरित धाव घेतली. पंचनामा करत ठेवलेले सर्व साहित्य पोलिसांनी ताब्यात घेतलं. तसेच परिसरातील लावलेल्या सीसीटीव्ही कॅमेऱ्याच्या आधारे तपास सुरु केला. या सीसीटीव्ही कॅमेऱ्यातील फुटेजमध्ये आठ ते दहा तरुणांना मध्यरात्री गावातील मुख्य रस्त्यावर फिरताना आणि हे साहित्य ठेवताना दिसले. या फुटेजच्या आधारे पोलिसांनी काही संशयितांकडे चौकशी सुरु केली आहे.

प्रँक की आणखीन काही?

प्राथमिक चौकशीत संशयितांनी हा प्रकार प्रँक म्हणून केल्याचं सांगितल्याची माहिती मिळत आहे. पण तपास अजूनही सुरू असल्याने तपासाअंतीच अंतिम निष्कर्ष दिला जाणार आहे, असे पोलिसांकडून स्पष्ट करण्यात आले आहे.

Pune News : ‘वैफल्यग्रस्त माणसाकडून दुसरी काय अपेक्षा करणार’, सुस्साट सुटलेल्या धंगेकरांना मोहळांनी सुनावलं

कडक कारवाई करण्याची मागणी..

इंगळी ग्रामस्थांसह कोल्हापूरकर आणि अंधश्रद्धा निर्मूलन समितीनेही या घटनेचा तीव्र निषेध व्यक्त केला असून अशा अंधश्रद्धा निर्माण करणाऱ्या कृत्यांना आळा घालण्यासाठी कठोर पोलीस कारवाईची मागणी केली आहे. शिवसेना उद्धव बाळासाहेब ठाकरे पक्षाच्या आणि शिंदेसेनेच्या कार्यकर्त्यांनीही याबाबत आवाज उठवला आहे. पोलीस प्रशासनाने नागरिकांना अफवांवर विश्वास न ठेवण्याचे आवाहन केले असून, परिसरात चोख बंदोबस्त तैनात केला आहे.

Washim Crime : ‘छेडछाडीची तक्रार का दिली?’, बेदम मारहाण करत तरुणाला संपवलं; ‘माझा भाऊ परत आणून द्या’ म्हणत कुटुंबाचा आक्रोश

दरम्यान हुपरी पोलिस तपास करत असून, या प्रकारात कोणते हेतू होते? कोणकोण या कृतीमागे आहे? याचा शोध घेत आहेत. सीसीटीव्ही फुटेज आणि संशयितांच्या चौकशीवरून पुढील कायदेशीर कारवाई केली जाणार आहे. प्रशासनाने स्थानिक लोकांमध्ये सुरक्षा व शांती राखण्यासाठी दक्षता वाढवली आहे. तर या घटनेमुळे दिवाळीच्या आनंदावर काही प्रमाणावर विरजण पडल्याचे पाहायला मिळत असून यामुळे संपूर्ण गाव हादरले आहे.