Vasai Fort Viral Video : मराठी येत नसल्याचं सांगत हिंदी बोलण्याचा आग्रह धरणाऱ्या सुरक्षा रक्षकाला युवकाने चांगलंच फैलावर घेतलं. त्याचा एक व्हिडीओ चांगलाच व्हायरल होत आहे.
तेव्हा त्याला अडवलं जातं
छत्रपती शिवाजी महाराजांच्या वेशात एक तरुण वसई किल्ल्यात एका विशिष्ट दृश्याचे चित्रीकरण करत होता. मात्र, त्यावेळी उपस्थित असलेल्या सुरक्षा रक्षकांनी त्याला तातडीने रोखले आणि चित्रीकरण करण्यापासून रोखले. या घटनेनंतर ज्या तरुणाला चित्रीकरण करण्यापासून रोखले, त्याने तीव्र शब्दांत याबाबत संताप व्यक्त केला. चित्रीकरण करण्यापासून रोखणाऱ्या सुरक्षा रक्षकांना त्यांना मराठी येत नसल्याचा देखील जाब विचारला. ‘किल्ल्यासारख्या ऐतिहासिक आणि पवित्रस्थळी वारंवार अश्लील चाळे, प्री-वेडिंग शूट, डान्स चित्रीकरण आणि उच्छादमस्ती करणाऱ्या तरुणाईकडे प्रशासन जाणीवपूर्वक दुर्लक्ष करते. मात्र, जेव्हा महाराष्ट्राचे आराध्य दैवत छत्रपती शिवाजी महाराज यांच्या वेशभूषेत चित्रीकरण करण्याचा प्रयत्न केला जातो, तेव्हा त्याला अडवलं जातं’, असं म्हणत तरुणाने आपला रोष व्यक्त केला.
नागपूर महापालिकेत बांधकाम परवानगी व फायर एनओसीसाठी खंडणी? आमदार विकास ठाकरेंचा धक्कादायक दावा, म्हणाले ‘प्रशासकाच्या काळात…’
‘हिंदीतून बोला, मला मराठी येत नाही’
ही घटना काल म्हणजे लक्ष्मीपूजनाच्या दिवशी वसई किल्ल्यावर झालेल्या दीपोत्सव कार्यक्रमादरम्यान घडली. ‘किल्ले वसई मोहीम परिवार’ आणि ‘अनाम प्रेम महाराष्ट्र’ यांच्या संयुक्त विद्यमाने आयोजित या कार्यक्रमात शेकडो दिवे प्रज्वलित करून ज्ञात-अज्ञात स्वातंत्र्यवीरांना श्रद्धांजली अर्पण करण्यात आली. अनेक तरुणांनी शिवकालीन पोशाख परिधान करून सहभाग नोंदवला होता. त्यावेळी छत्रपती शिवाजी महाराजांच्या पोशाखात आलेल्या एका युवकाला तिथल्या सुरक्षा रक्षकाने हटकले. तसेच ‘हिंदीतून बोला, मला मराठी येत नाही’, असा माज दाखवला. त्यानंतर शिवरायांच्या वेशात आलेल्या त्या युवकाने हिंदीचा आग्रह धरणाऱ्या सुरक्षा रक्षकाचा माज उतरवला.
Pune News : व्हॉट्सअप ग्रुप पाहिला नाही का? पुण्यात भाजप नेत्यांमधला ऑनलाईन वाद पोहचला थेट पोलीस स्टेशनात
सध्या या घटनेचा व्हिडिओ सोशल मीडियावर मोठ्या प्रमाणात व्हायरल होत आहे. व्हिडीओमध्ये संबंधित युवक स्पष्ट शब्दात म्हणताना दिसतो आहे की, ‘मराठी येत नाही का तुला? मराठी आलीच पाहिजे, मराठी येत नाही म्हणायचा आणि माज दाखवायचा हे चालणार नाही’, अशा शब्दात त्या युवकाने हिंदी सुरक्षा रक्षकाला झापलं.
लेखकाबद्दलप्रशांत पाटीलप्रशांत संजय पाटील २०१९ पासून डिजिटल मीडियात कार्यरत असून सध्या मटा ऑनलाइनमध्ये सिनीयर डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील ग्रामीण भागातील बातम्या, राजकीय बातम्यांची आवड, हायपरलोकल बातम्या, क्राइम बातम्या अर्थात विशेष घडामोडींचा विश्लेषणात्मक आढावा घेण्याचा सतत प्रयत्न असतो. गावाखेड्याकडच्या बातम्या, शेतकऱ्यांचा प्रश्न, शेती आणि ग्रामीण जीवन हे जिव्हाळ्याचे विषय आहेत. यापूर्वी थोडक्यात न्यूज पोर्टल, आधान न्यूज पोर्टल, महाराष्ट्र टाइम्स डिजिटल आणि सकाळ मीडिया ग्रुप या संस्थांमध्येही कामाचा अनुभव असून पुण्यातील गरवारे महाविद्यालयातून पत्रकारितेत पदवी प्राप्त केली आहे.… आणखी वाचा