जखमी व्यक्तीचे नाव गोविंद रामचंद्र राठोड (वय 36, रा. करंजाडे) असे असून, त्यांचा भाऊ पनवेलमधील वलप येथे एका सदनिकेचा मालक आहे. ही सदनिका आरोपी आनंद जाधव (रा. वलप, पनवेल) याने भाडे तत्वावर घेतली होती. सदनिकेसाठी 2 लाख रुपयांचे हेवी डिपॉझिट गोविंद राठोड यांच्याकडे देण्यात आले होते. काही महिन्यांतच आरोपीचा सोसायटीतील इतर सदस्यांशी वाद झाला आणि त्याने फ्लॅट सोडण्याचा निर्णय घेतला.

मुंबईकरांना भाऊबीजनिमित्त बेस्टची खास भेट! 134 जादा बसेस धावणार; जाणून घ्या, कुठून कुठे असणार ही सेवा

डिपॉझिटची रक्कम परत मिळावी यासाठी आनंद जाधव सतत मागणी करत होता. त्यातच रविवारी दि. 19 ऑक्टोबर रोजी दुपारी साडे दोनच्या सुमारास, गोविंद राठोड हे आरोपीला पैसे देण्यासाठी ओरियन मॉलजवळील वडाळे तलाव परिसरात गेले होते. त्यांनी 70 हजार रुपये त्याला दिले, परंतु उर्वरित 1 लाख 30 हजार रुपये थकबाकी राहिल्यामुळे वाद विकोपाला गेला.

वादाच्या दरम्यान, संतप्त झालेल्या आनंद जाधवने राठोड यांच्या कॉलरला धरले, शिवीगाळ करत “पैसे दे नाहीतर तुला संपवतो” अशी धमकी दिली आणि त्यानंतर अचानक त्याच्याकडील चाकूने गोविंद राठोड यांच्या पोटावर उजव्या बाजूला वार केला. जखमी अवस्थेत राठोड यांना तातडीने लाइफलाइन रुग्णालयात दाखल करण्यात आले. सध्या त्यांच्यावर उपचार सुरू असून प्रकृती चिंताजनक असल्याचे डॉक्टरांनी सांगितले.

Accident News : नवविवाहित दाम्पत्यासोबत देवदर्शनाला, वाटेतच काळाजी झडप, ट्रकच्या धडकेत बाईकवरील महिलेचा मृत्यू

या प्रकरणी पनवेल शहर पोलीस ठाण्यात प्राणघातक हल्ल्याचा गुन्हा दाखल करण्यात आला असून, आरोपी आनंद जाधव घटनेनंतर फरार झाला आहे. पोलिसांनी शोधमोहीम राबवली असून लवकरच आरोपीला ताब्यात घेण्यात येईल, असे सूत्रांकडून समजते. दरम्यान, ही घटना भाडेकरू आणि मालकांमधील वाढत्या वादांची गंभीर परिणती असून, भाडे व्यवहारात पारदर्शकता आणि कायदेशीर लिखित कराराचे महत्त्व अधोरेखित करणारी आहे.