या घटनेविषयी सविस्तर माहिती अशी की, 20 ऑक्टोबर 2025 रात्री 9 वाजेच्या सुमारास जालना शहरातील बस स्थानक परिसरात असलेल्या शिवनेरी लॉजवर एका 75 वर्षीय व्यापाऱ्याचा मृतदेह आढळून आला आहे. सदर घटनेची माहिती शहरातील सदर बाजार पोलीस ठाण्यात देण्यात आली सदर बाजार पोलीस ठाण्याचे पोलीस निरीक्षक संदीप भारती यांच्या आदेशावरून त्या ठिकाणी पोलिसांची एक टीम दाखल झाले. त्यांनी पाहणी केली तर तो व्यापारी मृत अवस्थेत त्यांना आढळून आला.
कंपनीने कमी बोनस दिला, कर्मचाऱ्यांनी टोल गेट उघडलं; 5000 गाड्यांना टोल फ्री, 30 लाखांचं नुकसान
यावेळी त्याच्या बॅगची झाडझडती घेतली असता त्यामध्ये एक आधार कार्ड व इतर कार्ड आढळून आले. त्याचे नाव विश्वनाथ भानुदास रोडे (वय 75 वर्ष राहणार लातूर शहर) असे असल्याचे समोर आले. यावरून पोलिसांनी मृतदेहाचा सुमारे एक ते दीड तास कसून पंचनामा घटनास्थळी केला. या व्यापाऱ्याचा मृत्यू कसा झाला, याची कसून पाहणी सुद्धा पोलीस विभागाच्या टीमने केली आणि रुग्णवाहिका बोलवून सदर व्यापाऱ्याचा मृतदेह हा जिल्हा रुग्णालयात पाठवण्यात आला आहे.

त्या ठिकाणी असलेल्या डॉक्टरांच्या हस्ते त्याच्यावर शवविच्छेदन करून योग्य ती माहिती समोर येणार आहे, की या व्यापाऱ्याचा मृत्यू कशाने व का झाला. मात्र या घटनेने संपूर्ण जालना शहरात एकच खळबळ उडाली होती. प्राथमिक माहितीनुसार हा व्यापारी व्यापाराच्या संदर्भात काही कपडे वगैरे घेण्यासाठी जालना शहरात नेहमी येत जात असे त्यामुळे त्याची जालन्यात व्यापारी पकड होती आणि त्यामुळेच तो या शिवनेरी लॉजवर मुक्कामी राहिला होता. तो लातूरवरून कधी आला व या लॉजवर कधी मुक्कामी राहिला याचा शोध सध्या जालना पोलीस घेत असून दिवाळीच्या सणासुदीच्या तोंडावर या व्यापाऱ्याच्या घरच्या मंडळीवर दुःखाचा डोंगर कोसळला आहे.