दिवाळी पार्टीच्या नावाखाली पैशांचा खेळ

मिळालेल्या माहितीनुसार, बारमध्ये दिवाळी सेलिब्रेशनच्या नावाखाली “पोकर नाईट” आयोजित करण्यात आली होती. मात्र प्रत्यक्षात इथे मोठ्या रक्कमांवर पैजा लावून कार्ड गेम खेळला जात होता. खेळादरम्यान व्यवहारासाठी रोख रक्कमेबरोबरच ऑनलाइन ट्रान्सफरचाही वापर करण्यात येत असल्याचं समोर आलं आहे.
पुण्यातून मराठवाड्यात जाण्यासाठी दिवाळी विशेष रेल्वे; नांदेड-हडपसर ट्रेनमुळे प्रवाशांना फायदा, कोणत्या स्थानकांत थांबे?

पोलिसांकडून बारवर छापा

घटनेचे काही व्हिडिओ सोशल मीडियावर व्हायरल झाले. व्हिडिओ समोर आल्यानंतर पोलिसांनी तात्काळ त्या बारवर छापा टाकला. या दरम्यान काही जणांनी पळ काढण्याचा प्रयत्न केल्याची माहितीही समोर आली आहे. पोलिसांकडून आता बारचे परवाने, कार्यक्रम आयोजक आणि सहभागी व्यक्तींची सविस्तर चौकशी सुरू आहे. पुण्यात भर दिवाळीत अशाप्रकारे बेकायदेशीर पद्धतीने जुगार, पोकर खेळला जात असून यामुळे कायदा सुव्यवस्थेवर प्रश्नचिन्ह उपस्थित केलं जात आहे. पोलिसांकडून याप्रकरणी आता चौकशीसत्र सुरू आहे.
Pune News : मुठा नदीच्या दोन्ही बाजूंना तयार होतोय सेवा रस्ता, महामार्गावरील कोंडी होणार कमी; कुठून-कसा असेल मार्ग?

उच्चभ्रू वर्गातील लोकांची पार्टी असल्याची माहिती

कोरेगाव पार्क परिसरातील आलिशान बार आणि लाउंजमध्ये गेल्या काही महिन्यांपासून अशा प्रकारचे “प्रायव्हेट गेम्स” आयोजित केल्याची शंका व्यक्त केली जात आहे. पोलिसांकडून या सर्व ठिकाणांवर लक्ष ठेवण्याचे निर्देश देण्यात आले आहेत.कायद्यानुसार, पैशांवर आधारित कोणताही कार्ड गेम हा जुगार मानला जातो. त्यामुळे या घटनेत बार मालक, आयोजक आणि खेळात सहभागी झालेल्यांविरुद्ध गुन्हा दाखल होण्याची शक्यता आहे. दिवाळीच्या आनंदावर पाणी फेरणाऱ्या या प्रकरणामुळे कोरेगाव पार्क पुन्हा एकदा चर्चेत आलं आहे.