लातूर जिल्ह्यातील पेठ गावच्या शिवारात घडलेल्या एका हृदयद्रावक घटनेने संपूर्ण परिसर हादरला आहे. प्रेम प्रकरणाला घरच्यांचा विरोध सहन न झाल्याने नर्स तरुणी आणि एमपीएससी परीक्षेची तयारी करणाऱ्या दिव्यांग तरुणाने एकत्र आत्महत्या केल्याची घटना समोर आली आहे. या घटनेमुळे प्रेमी युगुलाच्या दरडवाडी गावासह संपूर्ण परिसरात शोककळा पसरली आहे. नितीन दराडे आणि राणी दराडे, दोघेही रा. दरडवाडी, ता. आंबेजोगाई, जि. बीड, अशी आत्महत्या प्रेमी युगुलाची नावे आहेत.

घरच्यांचा प्रेमाला विरोध, दोघांनी आयुष्य संपवलं

मिळालेल्या माहितीनुसार, नितीन दराडे हा शारीरिकदृष्ट्या दिव्यांग असला तरी तो मेहनती स्वभावाचा होता. तो अहमदपूर येथे राहून गेल्या दोन ते तीन वर्षांपासून एमपीएस्सीच्या तयारीत व्यस्त होता. दुसरीकडे, राणी दराडे ही व्यावसायिक नर्स असून लातूरमधील एका खासगी रुग्णालयात काम करत होती. दोघेही नातेवाईक असल्यामुळे त्यांच्यात आधीपासूनच ओळख होती.
Matheran News : माथेरानमध्ये 1200 फूट खोल दरीत मोटिव्हेशनल स्पीकरची बॉडी सापडली, हॉटेलमधून बाहेर पडले अन्…
हळूहळू ही ओळख प्रेमात रूपांतरित झाली. मात्र, दोघांच्या नात्याला घरच्यांनी विरोध दर्शवला. या विरोधामुळे मानसिक ताण निर्माण झाला आणि अखेर या जोडप्याने एकत्र जीवन संपवण्याचा निर्णय घेतला, अशी माहिती पोलिसांनी दिली आहे. या घटनेने दोन्ही कुटुंबांना मोठा धक्का बसला आहे.

लखनौमध्ये विद्यार्थिनीचा आत्महत्येचा प्रयत्न

दुसरीकडे, लखनौमध्ये एका १५ वर्षीय शाळकरी मुलीने विनयभंग आणि धमक्यांना कंटाळून आत्महत्येचा प्रयत्न केला. उत्कर्ष मिश्रा नावाचा ३० वर्षीय तरुण तिला दोन वर्षांपासून त्रास देत होता. पोलिसांनी आरोपीला अटक करून तुरुंगात पाठवले आहे.
Jalna News : ऐन दिवाळीत 3 वर्षांच्या परीचा धक्कादायक मृत्यू, रस्त्यात बॉडी सापडली, कुटुंबाचा टाहो, जालन्यात हळहळ
पोलिसांनी दिलेल्या माहितीनुसार, नववीत शिकणारी मुलगी सुमारे दोन वर्षांपूर्वी सोशल मीडियाद्वारे उत्कर्ष मिश्राच्या संपर्कात आली होती. सुरुवातीला मैत्रीनंतर मिश्राने तिला अश्लील कमेंट्स आणि वाईट नजरेने पाहण्यास सुरुवात केली. जेव्हा मुलीने विरोध केला, तेव्हा त्याने तिला धमक्या द्यायला सुरुवात केल्याचा आरोप आहे. भीतीने तिने सुरुवातीला घरच्यांना काही सांगितले नाही.