रुपाली पाटील शनिवार वाड्यात दाखल

दरम्यान, आता थोड्यावेळापूर्वीच पुण्यातील शनिवारवाड्यात राष्ट्रवादीच्या नेत्या रुपाली ठोंबरे पाटील दाखल झाल्या आहेत. त्यांनी मेधा कुलकर्णींना टार्गेट करत त्यांच्यावर जोरदार हल्लाबोल केला आहे. दरम्यान, आमचा संघर्ष भाजपशी नाही. शनिवारवाडा मेधा कुलकर्णींच्या पप्पांचा नाही. हिरव्या रंगाचा भाजपला एवढा राग का? असा सवालही त्यांनी उपस्थित केला आहे. जाणीवपूर्वक हिंदू-मुस्लिम वाद निर्माण करण्याचा प्रयत्न केला जात आहे, मेधा कुलकर्णींवर गुन्हा दाखल व्हावा, अशी मागणी रुपाली पाटलांनी केली आहे.
सोसायटीत खेळणाऱ्या मुलांवर जर्मन शेफर्ड सोडला? बचावासाठी मुलांची धडपड, हल्ल्यात एक अल्पवयीन जखमी

‘शिक्षिका आहेत पण तेवढी अक्कल नाही’

दरम्यान, सकाळी माध्यमांशी बोलताना रुपाली यांनी थेट मेधा कुलकर्णी यांची अक्कल काढली. ‘मेधा कुलकर्णी यांच्यासोबत मी महापालिकेत 2012 ते 2017 दरम्यान एकत्र काम केलेले आहे. त्या शिक्षिका आहेत पण तेवढी अक्कल त्यांना नाही हे कालच्या प्रकरणावरून दिसून आले. मेधा कुलकर्णी यांना बोलायला त्यांच्या पक्षातील लोक सुद्धा घाबरतात. असं रुपाली पाटील म्हणाल्या आहेत. तर, या मेधा कुलकर्णी यांना कुठं लोकात जायचं आहे? त्यांच्याकडे कुठे कोण नागरी प्रश्न घेऊन जातात, मेधा कुलकर्णी यांनी पुण्यातील गुन्हेगारी, वाहतूक कोंडी, पाणी रस्ते यावर आवाज का नाही उठवला? प्रत्येक वेळी रस्त्यावर उतरायचं तर दोन समाजात तेढ निर्माण होईल इतकंच काम मेधा कुलकर्णी करतात. दोन समाजात तेढ निर्माण होणार असेल तर राष्ट्रवादी काँग्रेस भाजप खासदाराच्या विरोधात भूमिका घेणारच. कायद्यानुसार मेधा कुलकर्णी यांच्या विरोधात गुन्हा दाखल झालाच पाहिजे ही आमची भूमिका कायम आहे. असं देखील रुपाली पाटील म्हणाल्या आहेत.

दुसरीकडे, शनिवार वाडा परिसरातील अनधिकृत असल्याचा दावा करत ज्या मजारीवर मेधा कुलकर्णी यांनी भगवा झेंडा फडकवण्याचा प्रयत्न केला त्यासंदर्भात काही पुरावे देखील रुपाली पाटील यांनी दाखवले आहेत. पुरातन विभागात शनिवारवाडा येथील मजार ही 1936 साली नमूद,नोंद आहे. ही नोंद सदाशिव पेठेतील चित्रशाळा प्रेस इथे झाली. माझा जन्म सोडा हो,खासदार बाई सुद्धा जन्मलेल्या नव्हत्या. त्यामुळे पुण्यातील हिंदु मुस्लिम तेढ निर्माण करणाऱ्या खासदार मेधा ताईवर तेढ निर्माण करणे,सामाजिक शांतता भंग करणे गुन्हा दाखल झालाच पाहिजे. आणि हो मी हिंदू आहे आणि गर्वसे म्हणतो आम्ही हिंदू आहे. पण धर्मा धर्मात तेढ,भेद निर्माण करणारे ,सामाजिक शांतता भंग करणे हिंदू नक्कीच नाही. नौटंकी,नाटके करणाऱ्या लोकांनी लक्षात ठेवायचे. असं रुपाली पाटील म्हणाल्या आहेत.