नॅनो कारच्या धडकेत एकाचा मृत्यू

पहिल्या घटनेत, वाघोली गावातील किशोर हरिभाऊ उमाडे (वय 38) हे रविवारी पहाटे पाच ते सहा वाजताच्या सुमारास मॉर्निंग वॉकसाठी महामार्गाच्या कडेला गेले होते. त्याचवेळी विरुद्ध दिशेने येणाऱ्या वेगवान नॅनो कारने त्यांना जोरदार धडक दिली. या धडकेत उमाडे यांचा जागीच मृत्यू झाला. अपघात इतका भीषण होता की मृतदेह कारखाली अडकला होता. कन्हान पोलिसांनी घटनास्थळी धाव घेऊन पंचनामा करून मृतदेह कामठी उपजिल्हा रुग्णालयात पाठविला. कारचालकाविरुद्ध गुन्हा दाखल करून पुढील तपास सुरू आहे.

Raj Thackeray : राज ठाकरेंनी फोडला मोठा बॉम्ब, महाराष्ट्रातील खोट्या मतदारांचा जाहीरपणे सांगितला आकडा, मुंबईतच…

‘आपली बस’चा ब्रेक फेल

दरम्यान, काल शनिवारी सायंकाळी वर्धा रोडवरील नागपूर मध्यवर्ती कारागृहाजवळ ‘आपली बस’च्या ब्रेकने अचानक काम करणे बंद केल्याने मोठा अपघात होण्याची शक्यता निर्माण झाली होती. या बसमध्ये सहा प्रवासी होते. चालकाने अत्यंत धाडस आणि प्रसंगावधान दाखवत बस थेट फुटपाथवर नेली आणि जवळच्या झाडाला धडकवून बस थांबवली. या घटनेत सर्व प्रवासी सुखरूप बचावले असून फक्त एका महिला प्रवाशाला किरकोळ दुखापत झाली.

अपघातानंतर प्रवासी आणि स्थानिक नागरिकांनी बसच्या देखभालीबाबत प्रश्न उपस्थित केले आहेत. ‘आपली बस’ सेवेत असलेल्या वाहनांची नियमित तपासणी आणि यांत्रिक देखरेख करण्यात प्रशासनाकडून गंभीर दुर्लक्ष होत असल्याचा आरोप करण्यात येत आहे. वर्धा रोडवरील या प्रकारामुळे बससेवेच्या सुरक्षेचा प्रश्न पुन्हा ऐरणीवर आला आहे.

खोटा करोना रिपोर्ट, चुकीचे उपचार अन् थेट अवयव तस्करी; कुटुंबियांना रुग्णालयातून बॉडी मिळालीच नाही… महाराष्ट्रात धक्कादायक प्रकार उघड

प्रशासनाने या घटनेची गंभीर दखल घेत तपासाचे आदेश दिले आहेत. परिवहन विभागाला सर्व बसांची विशेष तपासणी करण्याच्या सूचना देण्यात आल्या आहेत. प्रवाशांच्या सुरक्षेला प्राधान्य देत वाहनांची देखभाल आणि ब्रेकसह महत्त्वाच्या यंत्रणांची नियमित तपासणी करण्यात यावी, अशी मागणी प्रवासी आणि स्थानिक नागरिकांकडून करण्यात येत आहे.