ओबीसी विद्यार्थ्यांसाठी आम्ही सत्तेत आल्यावर 60 वसतिगृह सुरु केल्याची माहिती मुख्यमंत्र्‍यांनी दिली आहे. मराठा समाजाला न्याय देताना ओबीसींवर अन्याय होऊ देणार नाही. आम्ही 10 लाख ओबीसांना हक्काची घरं दिली आहेत, असंही मुख्यमंत्री फडणवीस म्हणाले आहेत.

‘बदलापुरात 17000 बाहेरचे मतदार, मतदान करायला आलात, तर चोप देऊ’, शिंदेंच्या शहरप्रमुखाचा इशारा

दरम्यान, मराठा आरक्षणासंदर्भामध्ये 2 सप्टेंबर 2025 रोजी सरकारने जीआरकाढला होता. हैदराबाद गॅझेटनुसार प्रमाणपत्र देण्याचा हा जीआर आहे. त्यानंतर ओबीसी समाजआक्रमक झाला आहे. अनेक सभा मेळावे घेतले जात आहेत. सरकारने हा जीआर रद्द करावा अशी मागणी ओबीसींनी केली आहे.

ओबीसींचे खरे कैवारी देवेंद्र फडणवीस आहेत- मंत्री बावनकुळे

2 सप्टेंबरला मराठा आरक्षण ासंदर्भातला शासन आदेश सरकारने जारी केला आहे. यावर मंत्री चंद्रशेखर बावनकुळेंनी त्यांच मत व्यक्त केलं आहे. ते म्हणाले, हा आगेश फक्त मराठवाड्यातल्या 4 जिल्ह्यांपूरता मर्यादित आहे. त्यावर काँग्रेस नेते राजकारण करत आहेत. ओबीसींचे आरक्षण गेले म्हणून आंदोलन करत आहेत. मात्र, देवेंद्र फडणवीस आहेत तोपर्यंत ओबीसींच्या आरक्षणाला धक्का लागणार आहे, असे सांगत आहेत. पण, ओबीसींचे खरे कैवारी हे देवेंद्र फडणवीसच आहेत असं बावनकुळे म्हणाले आहेत. मनोज जरांगे पाटलांनी मराठा आरक्षणासाठी छेडलेल्या आंदोलनावर तोडगा काढण्यासाठी सरकारने हैदराबाद गॅझेट लागू करण्याचा निर्णय घेतला आहे, असंही त्यांनी सांगितलं आहे.

दरम्यान, आज ओबीसी नेते लक्ष्मण हाकेंनी मुख्यमंत्री फडणवीसांना एक पत्र लिहिलं आहे व या जीआरमुळे ओबीसींचं आरक्षणसंपल्याचा दावा केला आहे.