‘नाफेड’ आणि ‘एनसीसीएफ’ यांनी खरेदी केलेला कांदा केंद्र सरकारने सप्टेंबरपासून देशातील मेट्रो सिटीमध्ये उपलब्ध करून देत तो १० रुपये किलो दराने विक्री केला जात असल्याचा परिणाम म्हणून गेल्या दीड महिन्यापासून कांद्याच्या दरात घसरण सुरूच असून, त्यामुळे शेतकऱ्यांचे आर्थिक नुकसान झाले. चाळीत साठवलेला उन्हाळ कांदा शेतकरी दिवाळीदरम्यान बाजार समित्यांमध्ये लिलावाला आणून दिवाळी खर्चासाठी पैसे मोकळे करतात. पण यावर्षी कांद्याच्या दरांत घसरण झाल्याने केवळ ३०० ते ९०० रुपये प्रति क्विंटलने कांदा विकण्याची वेळ शेतकऱ्यांवर आली आहे.
Dhanteras 2025: आज धन्वंतरी, लक्ष्मी व कुबेर पूजन; पूजेसाठी दोन तास अत्यंत महत्त्वाचे, जाणून घ्या शुभ मूहूर्त
अवकाळी पाऊस आणि अतिवृष्टी यामुळे आधीच संकटाचा सामना करण्याऱ्या शेतकऱ्याला कांदा पिकात नुकसान सहन करावे लागत आहे. कर्नाटक आणि आंध्र प्रदेशातही दररोज मार्केटमध्ये ५० हजार ते १ लाख गोण्यांची आवक आल्याने या राज्यातील कांद्याची मागणी कमी झाली. वर्षभरापासून बांगलादेशात होणारी कांद्याची निर्यात बंद आहे. एकट्या बांगलादेशात भारतातून कांद्याची ३५ टक्के निर्यात होते. पण आता ग्राहक उपलब्ध नसल्याने आणि सरकार शहरातील ग्राहकांना १० रुपये दराने कांदा विक्री करत असल्याने शेतकऱ्यांनी साठवलेल्या कांद्याला मातीमोल भाव मिळत असल्याने तज्ज्ञांनी सांगितले.

दोन महिन्यांपूर्वी ज्या कांद्याला १५०० रुपये क्विंटल दर होते त्याच कांद्याला आजघडीला केवळ ३०० ते ९०० दर मिळत असल्याचे शेतकऱ्यांनी सांगितले. कांद्याचे दर वाढणार या आशेवर कांदा साठवणूक केलेल्या शेतकऱ्यांना लाभ होण्याऐवजी ५० टक्के नुकसान अधिक झाले आहे.

स्थानिक बाजारांत केवळ नाफेड आणि ‘एनसीसीएफ’ यांनी खरेदी केलेला कांदा विक्रीला आहे. व्यापारी कुठेही ट्रेडिंगचे काम सध्या करताना दिसत नाहीत. आम्ही कांदा १० रुपये – किलोने खरेदी केल्यावर त्याला ट्रान्स्पोर्ट व इतर असा एकूण खर्चाचा विचार केल्यास तो १७ रुपये किलो पर्यंत जातो. मग आम्ही तो बाजारात १० रुपये किलोने कसे विकणार? निर्यातीला चालना मिळत नसल्याने बाजारभाव घसरले आहेत. – प्रवीण कदम, निर्यातदार

लासलगाव बाजार समिती (कांद्याची आवक व दर)
मंगळवार दि. ९ सप्टेंबर गुरुवार, दि.१६ ऑक्टोबर
आवक —१६,२०२ क्विंटल १७,२२२ क्विंटल
कमीत कमी दर —६०० रुपये ४०० रुपये
जास्तीत जास्त —१७५२ रुपये १४८० रुपये
सरासरी —१३३० रुपये १०७५ रुपये