शिवसेना शिंदे गटाचे बुलढाण्याचे आमदार संजय गायकवाड हे आता नव्या वादात अडकले आहेत. त्यांनी दीड कोटी रुपयांची डिफेंडर कार खरेदी केल्याचा त्यांच्यावर आरोप करण्यात आला आहे. तसेच ही कार कोणत्या कामाच्या कमिशनमधून आमदार गायकवाडांना मिळाली आहे, याचीही चौकशी व्हावी, असं भाजप जिल्हाध्यक्ष विजय शिंदे म्हणाले आहेत.
आई…थांब मी आलो; पार्थ धावत बसपाशी आला, पण माऊलीच्या लक्षात आलं नाही अन् क्षणात सगळं संपलं! बसखाली चिरडून…

आमदार गायकवाडांनी दिलं स्पष्टीकरण

डिफेंडर गाडी निलेश ढवळेची आहे. तो कंत्राटदार आहे. तसेच माझा नातेवाईक आणि पक्षाचा कार्यकर्ताही आहे. निलेशने ची गाडी पूर्ण कर्ज काढून खरेदी केली आहे. मी कागी दिवस वापरण्यासाठी ची गाडी माझ्याकडे आणली आहे. कार्यकर्त्यांनी गाडीवर आमदाराचा सिम्बॉल लावला, यात गैर काही नाही. त्यामुळे माध्यमांमध्ये चर्चा होत असलेली गाडी माझी नाही, असा खुलासा आमदार संजय गायकवाडांनी केला आहे.

विजय शिंदेंवर टीका

भाजप जिल्हाध्यक्ष विजय शिंदेंवर टीका करताना ते म्हणाले की, ज्यांनी माझ्यावर कमिशनचे आरोप केले आहेत. त्या कुत्र्‍यांना मला उत्तर देण्याची गरज नाही, असा खोचक टोला गायकवाडांनी लगावला आहे.

विजय शिंदेंनी आरोप करताना काय म्हटलं होतं?

बुलढाणा नराध्यक्ष पदासाठी जर भाजपचाच विचार होत असेल तरच युती होईल. बुलढाण्यामध्ये फक्त भाषणातून युती पाहिजे, युती व्हावी असं म्हणणाऱ्या लोकप्रतिनिधीने दीड कोटींची डिफेंडर कार आणली. ती कंत्राटदाराच्या नावावर असली तरीही ती कोणत्या कामाच्या कमिशनमधून लोकप्रतिनिधीला मिळाली आहे, याची चौकशी झाली पाहिजे. मतदारांना वेश्यांपेक्षा खराब म्हणणाऱ्या लोकप्रतिनिधीला लोक नाकारतील. त्यामुळे भाजपचाच विचार व्हावा, नाहीतर युती होणार नाही, असे विजय शिंदे म्हणाले होते.

निवडणुकीपूर्वीच कलगीतुरा

आरोप प्रत्यारोपांचा हा कलगीतुरा आता आगामी स्थानिक स्वराज्य संस्थांच्या निवडणुकीसाठी सुरु झाला आहे. भाजप आणि शिंदे गट यामुळे आमने-सामने येण्याची शक्यता निर्माण झाली आहे. आमदार गायकवाड, डिफेंडर कार आणि भाजप जिल्हाध्यक्षाचे आरोप हे सर्व त्याची सुरुवात मानली जात आहे.