नेमकं काय म्हणाले गोपीचंद पडळकर?

धाराशिवमध्ये पत्रकारांशी बोलताना पडळकर म्हणाले की, ‘पुरोगामी हे थोतांड असतात. शाहू फुले आंबेडकर हे कोणाची मक्तेदारी नाहीत. या राज्यात छत्रपती शिवाजी महाराजांची हिंदू देवतांची विटंबना होत असेल, मूर्ती फोडली जात असेल, तर त्या जिहादींला ठोकलंच पाहिजे, असं वक्तव्य गोपीचंद पडळकर यांनी केलं आहे. ते पुढे बोलताना म्हणाले की ‘मी कधीच पुरोगामी नव्हतो. मी आजही आंबेडकरांना मानतो, आंबेडकर ही कोणाचीच मक्तेदारी नसल्याचे सांगत त्यांनी वंचित बहुजन आघाडीच्या नेत्यांनाही अप्रत्यक्षपणे टोला लावला आहे. तसेच मराठा जीआर बाबत जी छगन भुजबळांची भूमिका तिच माझी भूमिका असल्याचंही पडळकर म्हणाले आहेत.

मनसेच्या दीपोत्सव कार्यक्रमात ठाकरे कुटुंबाने एकी दाखवली, पण उद्धव ठाकरेंचं केवळ अर्ध्या मिनिटाचं भाषण, म्हणाले…

‘त्या’ वक्तव्यावर दिलं स्पष्टीकरण

बीड जिल्ह्यात एका सभेत बोलताना पडळकरांनी महिलांबद्दल केलेलं एक वक्तव्यही वादात अडकलं होतं, त्यावरही पडळकरांनी स्पष्टीकरण दिलं आहे. ते म्हणाले की, ‘हिंदू मुली टारगेट केल्या जात आहेत. जिम, कॉलेज, हॉस्टेल, गर्दीचे ठिकाणांवरहिंदू मुलींना टार्गेट केलं जातंय. ज्या जिम मध्ये जिहादी प्रवृत्तीचा ट्रेनर असेल तिथे हिंदू मुलींनी जाऊ नये’, असं वक्तव्यही आमदार गोपीचंद पडळकर यांनी केलं आहे.

‘घरच्यांनी लक्ष ठेवलं पाहिजे आणि कोणीतरी अशा प्रवृत्तीच्या विरुद्ध बोललं पाहिजे म्हणून तर मी बोलतोय. अर्धे वक्तव्य दाखवू नका पूर्ण वक्तव्ये दाखवा’, असं आवाहनही पडळकरांनी यावेळी माध्यम प्रतिनिधींना केलं आहे.

काय म्हणाले होते पडळकर?

‘जिममध्ये जाताना ट्रेनर कोण आहे बघा? आपल्या तरूण मुली जिममध्ये जात असतील तर त्यांना सांगा घरातच योगा करा. तिकडे जाण्याची गरज नाही. ते तुम्हाला फसवत आहेत. तुमच्यावर अन्याय करत आहेत.’