नुकतीच भारतीय जनता पक्षाची पश्चिम महाराष्ट्र विभागाची एक बैठक पुण्यात पार पडली. या बैठकीला मुख्यमंत्री देवेंद्र फडणवीस यांच्यापासून प्रदेशाध्यक्ष रवींद्र चव्हाण माजी प्रदेशाध्यक्ष चंद्रशेखर बावनकुळे यांसारखे नेते उपस्थित होते. या बैठकीमध्ये पक्षामध्ये कोणाला प्रवेश द्यायचा या संदर्भात बराच वेळ चर्चा झाली. या चर्चेनंतर बाहेर येऊन मुख्यमंत्री देवेंद्र फडणवीस यांनी इनकमिंग संदर्भात आपली प्रतिक्रिया देखील दिली.

पक्षामध्ये स्ट्रॉंग उमेदवारांना प्रवेश देण्यात येणार असल्याचं देवेंद्र फडणवीस यांनी सांगितलं होत. तर, प्रवेश देताना मूळ भाजपच्या नेत्यांची प्रवेश देताना काही हरकत असेल तर त्यांची समजूत देखील काढली जाईल असं फडणवीस म्हणाले होते. फडणवीसांच्या या प्रतिक्रियेला 2 दिवस उलटताच पुणे भाजपने आपलं जाळ फेकलं असून काँग्रेस, राष्ट्रवादी, आरपीआयचे तब्बल 15 बडे मासे गळाला लावले आहेत.

येत्या दिवाळी पूर्वीच घडून आणण्यात येणार असल्याचं सांगितलं जात असून याबाबतची यादी देखील तयार करण्यात आली आहे. या 15 पैकी सर्वात मोठा धक्का काँग्रेसला बसणार आहे. आपल्यासोबत 5 ते 6 माजी नगरसेवक घेऊन काँग्रेसचा शहरातील एक बडा नेता भाजपात प्रवेश करणार असल्याची खात्रीलायक माहिती आहे. पक्षातील गटबजीला वैतागून या काँग्रेसमधील राज्यस्तरीय नेत्याने हाती कमळ घेण्याचा निर्णय घेतला आहे.
Sharad Pawar : मंत्रालयात लिफ्टसाठी शरद पवार वेटिंगवर, माजी मुख्यमंत्री पाच मिनिटं ताटकळत, टेन्शनने इतरांनाच घामटं
त्यासोबतच उपमुख्यमंत्री अजित पवार यांच्या राष्ट्रवादी काँग्रेस मधून देखील 1 ते 2 माजी नगरसेवक आणि 4 ते 5 शहर पातळीवर मोठे नावं असणारे नेते भाजपामध्ये प्रवेश करणार असल्याची माहिती आहे. इतकंच नाही तर केंद्रात आणि राज्यात दोन्हीकडे भाजपाचा जुना मित्र असलेला केंद्रीय मंत्री रामदास आठवले यांच्या आरपीआय मधून देखील एक बडा नेता भाजपमध्ये प्रवेश करणार आहे.
Shekhar Pachundkar : ज्या नेत्याला अमोल कोल्हेंनी फोडलं, त्याने वर्षभरातच हाती ‘कमळ’ घेतलं, शरद पवारांना मोठा धक्का
आता या 15 मध्ये नक्की कोणते नावं आहेत, या 15 नावांना थांबण्यासाठी त्यांच्या-त्यांच्या पक्षातील नेते प्रयत्नशील असणार का? हा खरा मूळ प्रश्न आहे पण सध्या पुण्याच्या राजकारणात भाजपचे ते ‘स्पेशल 15’ कोण याची चर्चा चवीने केली जातं आहे.