आगामी स्थानिक स्वराज्य संस्थांच्या निवडणुका पाहता मतदार यादी तसेच इतर बाबींसंदर्भात महाविकास आघाडीचे शिष्टमंडळ काल मुख्य निवडणूक अधिकारी एस. चोक्कलिंगम यांची भेट घेण्यासाठी मंत्रालयात आलेले होते. शिवसेना (उद्धव बाळासाहेब ठाकरे) पक्षाच्या ‘शिवालय’ या मुख्यालयात शिवसेना (उद्धव बाळासाहेब ठाकरे) पक्षाचे प्रमुख उद्धव ठाकरे सर्वप्रथम आले. राष्ट्रवादी काँग्रेस पार्टी (शरदचंद्र पवार) पक्षाचे अध्यक्ष ज्येष्ठ नेते शरद पवार तसेच प्रदेशाध्यक्ष शशिकांत शिंदे हे एकाच गाडीतून आले. त्यानंतर मनसे अध्यक्ष राज ठाकरे पण आले.

मुख्य निवडणूक अधिकाऱ्यांना देण्याच्या निवेदनावर एकत्रितरित्या स्वाक्षरी करून मंत्रालयाकडे मार्गस्थ झाले.. मंत्रालयात काल दिवाळीपूर्वीची राज्य मंत्रिमंडळाची बैठक असल्याकारणास्तव आगंतुक आणि नेत्यांची फार मोठी गर्दी होती.. परिणामी दक्षिण मुंबईत बऱ्याच भागात वाहतूक कोंडी पण पाहायला मिळालेली होती..

मंत्रालयात एकाच गाडीतून प्रवास करणारे उद्धव ठाकरे आणि राज ठाकरे हे मुख्य इमारतीच्या गेटमधून प्रवेश करून छत्रपती शिवाजी महाराज आणि डॉक्टर बाबासाहेब आंबेडकर यांच्या प्रतिमेला अभिवादन करून लगेचच लिफ्टने मुख्य निवडणूक अधिकाऱ्यांच्या कार्यालयाकडे मार्गस्थ झाले.. मंत्रिमंडळ बैठक असल्याकारणाने मुख्य इमारतीत लिफ्टमध्ये सहाय्यक असतात.. लिफ्ट थांबवून ठेवली असल्याकारणाने लगेचच त्यांना मुख्य निवडणूक अधिकारी यांच्या कार्यालयाकडे रवाना होता आले हे विशेष..
Nashik News : माणुसकी हरली, काळ जिंकला; रिक्षाचालकांनी मदत नाकारली, मातेच्या खांद्यावरच मुलाने प्राण सोडले
त्यानंतर मंत्रालयात शशिकांत शिंदेसह दाखल झालेले माजी मुख्यमंत्री आणि ज्येष्ठ नेते शरद पवार हे मुख्य इमारतीच्या गेट जवळ न थांबता विस्तारित इमारतीच्या पोर्चमध्ये दाखल झाले.. यावेळी शरद पवारांसोबत शेतकरी कामगार पक्षाचे नेते आणि माजी आमदार जयंत पाटील, समाजवादी पक्षाचे आमदार रईस शेख, माकपचे अजित नवले तसेच इतर नेते सोबत होते.. सहसा कुठल्याही बैठका मुख्य इमारतीत होत असल्याकारणाने विस्तारित इमारतीतील लिफ्टमध्ये सहाय्यक नसतात असा अनुभव आहे..

लिफ्टच्या जवळ आल्यानंतर एकही लिफ्ट थांबवून ठेवली नसल्याकारणाने शरद पवारांना तब्बल चार ते पाच मिनिटं वाट पाहायला लागली.. यावेळी मंत्रालयातील राज श्रॉफ नामक मंत्रालय कर्मचाऱ्याने लिफ्ट लवकर येईल याकरिता प्रयत्न केले मात्र ते सर्व प्रयत्न फोल ठरले.. लिफ्ट लवकर येत नसल्याने इतर नेत्यांना मात्र घाम फुटू लागला.. शरद पवारांनी दोन-तीन वेळा इंडिकेटरकडे लिफ्ट कुठे आलेली आहे हे पण पाहिलं.. शरद पवारांना लिफ्टची वाट पाहण्याशिवाय कुठलाही पर्याय नव्हता.. शेवटी तळमजल्यावर लिफ्ट आली आणि शरद पवारांसह सर्व नेते मुख्य निवडणूक अधिकाऱ्यांच्या कार्यालयाकडे मार्गस्थ झाले..
Sharad Pawar : मंत्रालयात लिफ्टसाठी शरद पवार वेटिंगवर, माजी मुख्यमंत्री पाच मिनिटं ताटकळत, टेन्शनने इतरांनाच घामटं
राष्ट्रवादी काँग्रेस पार्टी (शरदचंद्र पवार)पक्षाचे अध्यक्ष तथा माजी मुख्यमंत्र्यांना अशाप्रकारे ताटकळत ठेवणं कितपत योग्य आहे याचीच चर्चा नंतर माध्यमांमध्ये आणि मंत्रालयात पाहायला मिळाली